Samfélagsmiðlar

Færri ferðamenn þó að flugferðir hafi verið fleiri

Það voru 137 þúsund útlendingar sem fóru í gegnum vopnaleitina á Keflavíkurflugvelli í apríl en talningin sem þar fer fram, á þjóðernum farþega, hefur lengi verið nýtt til að leggja mat á fjölda ferðamanna hér á landi. Samkvæmt þessum niðurstöðum fækkaði ferðamönnum um fjögur prósent í síðasta mánuði en hins vegar fjölgaði flugferðunum um 5 prósent samkvæmt ferðagögnum FF7.

Aukið framboð á flugi til og frá landinu jók því ekki á ferðamannastrauminn en líkt og hér var farið yfir þá jókst hlutdeild íslensku flugfélaganna á Keflavíkurflugvelli í apríl á kostnað þeirra erlendu.

Farþegatölur Icelandair og Play fyrir nýliðinn mánuð gáfu jafnframt vísbendingu um að ferðamannastraumurinn í apríl væri minni en áður. Hjá báðum félögum fjölgaði nefnilega skiptifarþegum umtalsvert og í þotum Icelandair voru erlendu ferðamennirnir færri en í apríl 2018 þegar páskarnir voru líka um mánaðamót líkt og í ár.

Sem fyrr fer talning á ferðamönnum fram í vopnaleitinni í Leifsstöð. Fram til ársloka 2019 var hver og einn farþega beðinn um að sýna vegabréf en síðan þá hafa stikkprufur verið látnar duga. Ferðamálastofa fjölgaði þeim í apríl og verulegar sveiflur koma fram í komum nokkurra þjóða í kjölfarið.

Samkvæmt apríltalningunni þá snarfækkaði til að mynda ferðafólki frá Belgíu, Japan og Suður-Kóreu, bæði þegar horft er til apríl í fyrra og eins mars í ár. Þannig voru þeir belgísku aðeins 383 í apríl sem er innan við þriðjungur af fjöldanum í apríl í fyrra.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …