Samfélagsmiðlar

Gleðilegan aspasdag

Eins og allt gott grænmeti á aspasinn sinn eigin alþjóðadag, 24. maí, sem markar hápunkt aspasuppskerunnar víða um heim. Það er því ekki úr vegi að nota tækifærið og skoða nánar þetta áhugaverða grænmeti, ofurfæðu sem svo sannarlega er vert að fagna.

Hvítur aspas - MYND: Unsplash/Waldemar

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 ára gamlar frá Grikklandi og Egyptalandi.

Aspasinn teygði sig svo til Englands og Frakklands á 17. öld og barst með Evrópubúum til Ameríku upp úr 1800. Árið 1970 kom niðursoðinn aspas fram á sjónarsviðið og naut fádæma vinsælda þar sem nú var hægt að neyta hans árið um kring. Vinsældirnar hafa svo haldið áfram að vinda upp á sig og Alþjóðlega aspasdeginum er nú fagnað í sjöunda sinn.

Grænn aspas á ítölskum matarmarkaði – MYND: ÓJ

Aspas er stútfullur af andoxunarefnum, A- og K-vítamíni ásamt trefjum og steinefnum og því sannkölluð ofurfæða sem býður upp á fjölbreytta nálgun í matargerð. Bragðið er milt sem gerir það að verkum að hann passar svo til með öllum mat og þegar kemur að aspas er einfaldleikinn yfirleitt besta nálgunin.

Í dag er Þýskaland stærsti ræktandi aspas af hvíta afbrigðinu en þar í landi er árleg framleiðsla um 57.000 tonn. Aspastíminn þar í landi, eða Spargelzeit, er frá mars til loka júní þar sem aspasinum er fagnað á hefðbundinn hátt með soðnum kartöflum, bræddu smjöri þunnt skorinni skinku eða hollandaise-sósu.

Aspasplantan vex afar hratt en hefur að sama skapi stuttan líftíma í búðarhillum svo því er best að hafa hraðar hendur og kaupa og elda aspas þegar hann er sem ferskastur og á þeim tíma sem uppskeran er í algleymi.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …