Samfélagsmiðlar

Kreppuástandið liðið hjá

Óvenju mikil úrkoma í vetur hafði áhrif á orkureikninga Breta og þar með verðbólgu í landinu. MYND: HEIDI FIN/UNSPLASH

Breska hagkerfið dregst ekki lengur saman því verg landsframleiðsla jókst um 0,6 prósent á milli janúar og mars samkvæmt tölu sem breska hagstofan birti í morgun. Jeremy Hunt, fjármálaráðherra Bretlands, fagnaði niðurstöðunni og sagði hagkerfið á batavegi eftir nokkur erfið ár.

Almennt er talað um að kreppa sé skollin á þegar samdráttar hefur gætt í tvo fjórðunga og var kreppuástandi lýst yfir í Bretlandi í febrúar sl. eftir að tölur fyrir síðasta fjórðung 2023 voru birtar.

Samdrátturinn í breska hagkerfinu skrifaðist helst á minni neyslu, aukna verðbólgu og háa orkureikninga en óvenju mikil úrkoma í Bretlandi var til þess að landsmenn þurftu að eyða meiri tíma innanhús og kynda heimili sín betur en vanalega samkvæmt frétt Sky News.

Seðlabanki Bretlands tilkynnti á fimmtudaginn að vöxtum yrði haldið óbreyttum 5,25 prósentum en bankinn áætlar að hagvöxtur muni aukast á þessu ári og atvinnuleysi og verðbólga dragist saman.

Yfir vetrarmánuðina eru Bretar fjölmennastir í hópi ferðamanna hér á landi. Fyrstu þrjá mánuðina í ár flugu héðan 109 þúsund Bretar sem er álíka og á sama tíma í fyrra og einnig í samanburði við fyrsta ársfjórðung 2019. Árið 2018 voru bresku ferðamennirnir 120 þúsund á fyrsta fjórðungi og 124 þúsund 2017.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …