Samfélagsmiðlar

„Noregur ætti að hagnast miklu meira af hverjum skipafarþega“

Siglt undir norðurljósum í Norður-Noregi - MYND: Hurtigruten / Helge Abrahamsen

Hagsmunagæslumenn útgerða erlendra skemmtiferðaskipa sem sigla með ströndum Noregs, forystumenn í ferðaþjónustu og bæjarfélögum sem treysta á komur skipanna, óttast afleiðingar þess ef samþykkt verða lög sem tryggja áhöfnum skipanna norsk lágmarkslaun á meðan þau eru innan norskrar lögsögu. Markmið stjórnvalda er að koma í veg fyrir félagsleg undirboð, á grundvelli EES-samningsins, en auðvitað líka draga úr umferð skipa sem fara höfn úr höfn meðfram ströndinni.

Skipafélagið Hurtigruten, sem er að meirihluta í eigu breska TDR Capital, lítur væntanlega löggjöf um launajafnrétti í siglingum með Noregsströndum öðrum augum en keppinautarnir, enda greiðir félagið áhöfnum skipa sem sigla á þess vegum innan lögsögunnar norsk laun og lítur auðvitað á siglingar annarra sem greiða mun lægri laun sem undirboð.

Dagens Næringsliv hefur eftir Hedda Felin, forstjóra Hurtigruten, að norsk ferðaþjónusta væri að gera sjálfri sér bjarnargreiða með því að taka mark á því sem hún kallar hræðsluáróður. Hún vill þvert á móti herða kröfur til skemmtiskipaútgerðanna:

„Við ættum að hafa meira sjálfstraust. Ferðaþjónustan gæti skaðað eigin hagsmuni með því að taka málstað skemmtiferðaskipaútgerðanna,“ segir Hedda Felin og segir að væntanleg löggjöf gangi ekki nógu langt.

Miðað er við að launareglan gildi aðeins um ferðir skipa sem verja helmingi siglingatíma innan norskrar lögsögu í viðkomandi ferð. Lögin hefðu mest áhrif á skipafélög frá Bretlandi og Þýskalandi, vegna þess að skip þeirra þurfa ekki að sigla langa leið inn í norska lögsögu en koma svo við í mörgum höfnum við langa ströndina. Forstjóri Hurtigruten segir að m.a. ætti að gera kröfur um að erlendu félögin keyptu kost og ýmsa sérfræðiþjónustu í Noregi.

Hedda Felin, forstjóri Hurtigruten – MYND: Hurrtigruten

„Noregur ætti að hagnast miklu meira af hverjum skipafarþega. Til hafnar í Tromsø koma stóru erlendu skemmtiferðaskipin með allt með sér, eigin leiðsögumenn og rafskútur, sem farþegar nota í landi. Þeir kaupa sér kannski lukkutröll í minjagripabúðinni og fara síðan einn rúnt með strætó en möguleikarnir á meiri verðmætasköpun eru gríðarlegir,“ segir Hedda Felin. Hún hefur enga trú á að launakröfurnar leiði til hruns í komum skemmtiferðaskipa til Noregs.

„Það er hreinn hræðsluáróður frá áróðursmaskínum skemmtiferðaskipaiðnaðarins. Og það er ekki í fyrsta sinn. Við sáum það á Svalbarða þegar bann var lagt við notkun svartolíu. Upp voru rekin ramakvein en hreinna eldsneyti kom í staðinn af því að eftirspurnin var mikil. Ekkert er eftirsóknarverðara í huga erlendra ferðamanna en að fara um firðina í Norður-Noregi og njóta norðurljósanna. Sjálfsagt vilja einhver skipafélög ekki borga þau laun sem yrði að greiða en flest myndu gera það af því að viðskiptavinirnir vilja komast í þessar ferðir,“ segir forstjóri Hurtigruten í viðtalinu við Dagens Næringsliv.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …