Samfélagsmiðlar

Óáfengt rauðvín hlýtur góðar viðtökur

Vinsældir óáfengra drykkja hafa aukist jafnt og þétt og æ fleiri kjósa að drekka góð vín en sleppa áfenginu. Hingað til hafa freyðivín, rósavín og hvítt slegið í gegn og núna er loksins komið að þeim sem kunna best að meta rauðvín. 

Leið stofnanda Oddbird, Mou Gürbüzer, inn í vínbransann var nokkuð óhefðbundin - MYND: Oddbird

„Rauðvínsfólkið hefur verið svolítið út undan en við erum afar meðvituð um þá miklu spurn sem er eftir góðu, óáfengu rauðvíni. Að okkar mati hafa hins vegar engir framleiðendur haft til að bera það sem við sækjumst eftir í góðu rauðvíni – fyrr en núna,“ segir Sólrún María Reginsdóttir, framkvæmdastjóri Akkúrat, sem sérhæfir sig í innflutningi á óáfengu víni og drykkjum.

Það fundu þau í fórum sænska vínframleiðandans Oddbird. Stofnandi þess er Moa Gürbüzer, félags- og fjölskylduráðgjafi, sem í starfi sínu varð oft vitni að þeim neikvæðu afleiðingum sem áfengisneysla hafði oft í för með sér og sá að þörf var á allsherjar hugarfarsbreytingu þegar kom að drykkjumenningu. Árið 2013 leit Oddbird dagsins ljós með það að markmiði að hrista upp í viðteknum venjum fólks við að gera sér glaðan dag með góðum drykk. Moa einsetti sér að þróa og framleiða vín á heimsmælikvarða, en losa neytendur við áfengið.

Rauðvínið Addiction er nýjasta viðbótin í flóru áfengislausra vína Oddbird – MYND: Oddbird

Síðan hefur mikið vatn runnið til sjávar og Oddbird hefur nú skipað sér á meðal virtustu framleiðenda óáfengs víns í heiminum. Það nýjasta frá Oddbird eru rauðvínin Addiction og GSM sem hafa hlotið fádæma góðar viðtökur. Addiction er fyllra og kryddaðara sem hentar einstaklega vel með mat en GSM léttara og mýkra.

Sólrún segir viðtökurnar sýna svo ekki verði um villst að óáfeng vín eigi svo sannarlega erindi á íslenskan markað, þeim sem ekki drekka áfengi til mikillar og áframhaldandi ánægju.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …