Samfélagsmiðlar

Ríflega tveggja milljarða tjón Isavia vegna Wow Air staðfest af Hæstarétti

Isavia þarf að greiða eiganda kyrrsettu Wow-þotunnar bætur en fær ekkert upp í ógreidd flugvallargjöld flugfélagsins.

Til hægri, í hvítum jökkum, eru þeir Skúli Mogensen eigandi Wow air og Steven F. Udvar-Házy stjórnarformaður Air Lease Corporation. Myndin er tekin árið 2017 þegar íslenska flugfélagið gekk frá leigusamningi á Airbus þotum við ALC. MYND: AIRBUS

Isavia fær engar bætur frá eiganda þotunnar sem kyrrsett var í kjölfar gjaldþrots Wow Air í mars 2019. Þetta kemur fram í dómi Hæstaréttar sem birtur var fyrr í dag en Isavia hafði krafist ríflega tveggja milljarða króna í skaðabætur.

Íslenska ríkið var jafnframt sýknað í Hæstarétti af kröfum Isavia um bætur vegna úrskurðar dómara við Héraðsdóm Reykjaness, sumarið 2019, þess efnis að eiganda þotunnar væri heimilt að flytja hana frá landinu.

Isavia þarf aftur á móti að greiða bandarísku flugvélaleigunni ALC bætur vegna ólögmætrar stöðvunar farþegaþotunnar frá 6. maí til 17. júlí árið 2019. Ekki kemur fram í dómnum hversu hátt það tjón er en samkvæmt ársreikningum Wow Air greiddi félagið að jafnaði 30 til 50 milljónir króna í mánaðarleigu af hverri þotu.

ALC greiddi þann 6. maí árið 2019 87 milljónir króna til Isavia sem var sá hluti skuldar Wow Air sem rekja mátti til flugferða kyrrsettu þotunnar. Eftirstöðvarnar tilheyrðu vangreiddum flugvallargjöldum sem tengdust öðrum þotum sem flugfélagið var með á leigu. Í dómi Hæstaréttar segir að Isavia hafi verið í rétti til að kyrrsetja þotuna fram að þeim tíma en ekki degi lengur og fær ALC ekki bótagreiðsluna endurgreidda líkt og farið var fram á.

Líkt og fram kom í umfjöllun FF7 þá hefur Isavia nú þegar afskrifað 2,3 milljarða króna kröfu á ALC flugvélaleiguna. Isavia þarf auk þess að greiða málskostnað ALC flugvélaleigunnar og eins íslenska ríkisins.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …