Samfélagsmiðlar

Þjóðverjar tvöfalda fjölda atvinnuleyfa fólks frá nokkrum löndum á Balkanskaga

Frá Pristina, höfuðborg Kósóvó - MYND: Wikipedia

Á sama tíma og útlendingaandúð virðist vaxa í Vestur-Evrópu eykst þörf þar víða á innfluttu vinnuafli. Þetta á m.a. við um Þýskaland, stærsta hagkerfi álfunnar, sem þó hefur þurft að þola samdrátt vegna áhrifa stríðsins í Úkraínu. 

Nú hafa þýsk yfirvöld greint frá því að 1. júní næstkomandi verði gefin út tvöfalt fleiri atvinnuleyfi en á síðasta ári fyrir borgara sex Balkanlanda: Albaníu, Bosníu-Hersegóvínu, Kósóvó, Svartfjallalands, Norður-Makedóníu og Serbíu. Öll sækjast þessi lönd eftir aðild að Evrópusambandinu.

Balkanríkin sem sækjast eftir aðild að Evrópusambandinu – MYND: Wikipedia

Samtals verður 50 þúsund manns veitt tímabundið leyfi til starfa í Þýskalandi í ár. Þetta er gert á grundvelli gildandi reglugerðar um atvinnuleyfi fyrir íbúa þessara Vestur-Balkanlanda. Síðar á árinu verður atvinnuleyfum úthlutað eftir nýjum reglum sem miða að því að laða að meira menntað og þjálfað starfsfólk.  

Áhugasamt fólk í viðkomandi löndum hefur viku frá morgundeginum til að skrá sig til þátttöku. Dregið verður úr hópi umsækjenda mánaðarlega með happdrættisfyrirkomulagi þar sem víst er að færri fá atvinnuleyfi en þess óska, samkvæmt upplýsingum SchengenVisaInfo, sem leitað hefur eftir nánari skýringum á fyrirhuguðum breytingum en fær þær upplýsingar að þær verði brátt kynntar. 

Á grundvelli reglugerðarinnar um Vestur-Balkanlöndin höfðu um 76 þúsund ríkisborgarar í áðurnefndum sex ríkjum atvinnu- og dvalarleyfi í Þýskalandi í lok árs 2023 og hafði fjölgað um 22 prósent frá árinu áður. Flestir komu frá Kósóvó eða um 20 þúsund manns. 

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …