Samfélagsmiðlar

Vill ferðamenn með „þykk veski“

Það eru vísbendingar um að erlendir ferðamenn velji Noreg í auknum mæli fram yfir Ísland. Nýr ráðherra ferðamála í Noregi vill leggja aukna áherslu á ferðaþjónustu.

Við Stegastein, vinsælan útsýnisstað ferðafólks í Noregi. MYND: VISIT NORWAY

Ferðaþjónusta verður ein af þeim atvinnugreinum sem halda munu uppi norsku efnahagslífi þegar dregur úr vægi olíuvinnslu að mati Cecilie Myrseth, nýs viðskiptaráðherra Noregs. Hún segir ríkisstjórnina eiga að setja atvinnugreinina í forgang og fylgja þeim ráðum útflutningsráðs landsins að setja fókusinn á ferðamenn með „þykk veski.“

„Markmiðið á að vera að auka verðmætasköpunina í ferðaþjónustu. Það þýðir að við verðum að fá meira út úr þeim túristum sem hingað koma,“ segir Myrseth í viðtali við Dagens Næringsliv.

Cecilie Myrseth, viðskiptaráðherra Noregs. MYND: STORTINGET

Þar er hún spurð um leiðir til að ná þessu markmiði og þá nefnir ráðherrann til aðeins hefðbundnar lausnir, minni árstíðarsveiflur og betri dreifing ferðafólks. Ráðherrann viðurkennir hins vegar að skortur á vinnuafli takmarki vaxtarmöguleikana í ferðaþjónustu líkt og á fleiri sviðum en í dag eru 160 þúsund störf í Noregi tengd ferðaþjónustu. Hér á landi er þau ríflega 27 þúsund.

Vægi ferðaþjónustu í landsframleiðslu er hins vegar þrefalt hærra hér en í Noregi eða 8,8 prósent.

Óhætt er að fullyrða að Ísland sé hörku samkeppni við Noreg um erlenda ferðamenn og hún fer harðnandi líkt og ferðafrömuðurinn Clive Stacey fór yfir í viðtali við FF7 í síðustu viku. Helgi Eysteinsson, framkvæmdastjóri Iceland Travel, hefur einnig bent á versnandi stöðu Íslands í samkeppninni við Noreg.

„Við heyrum það á viðskiptavinum okkar að þeim þyki Ísland dýrt miðað við lönd eins og Noreg og Finnland. Samkeppnishæfni okkar hefur því versnað vegna verðlagsins,” sagði Helgi.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …