Samfélagsmiðlar

Vísbendingar um aukna skammtímaleigu

Gistinætur útlendinga í heimahúsnæði voru tíu prósent fleiri fyrstu þrjá mánuði ársins en í fyrra samkvæmt áætlun Hagstofunnar. MYND: ÓJ

Leiguverð á höfuðborgarsvæðinu hækkaði nokkuð umfram íbúðaverð í fyrra samkvæmt nýjum Peningamálum Seðlabankans. Þar segir að þessi þróun sé í takt við fjölgun fólks á leigumarkaði og eins séu vísbendingar um aukna skammtímaleigu til ferðamanna.

Þessar verðhækkanir hafa haldið áfram í ár því vísitala leiguverðs á höfuðborgarsvæðinu fór upp um 8,1 prósent frá maí í fyrra og til nýliðins marsmánaðar. Fyrstu þrjá mánuði ársins fjölgaði ferðafólki hér á landi um tíund samkvæmt talningu Ferðamálastofu og Hagstofan áætlar að gistinætur ferðamanna í heimahúsum hafi aukist hlutfallslega jafn mikið.

Fasteignaeigendur mega leigja út húsnæði í skammtímaleigu í að hámarki 90 daga á ári eða þar til leigutekjur hafa náð 2 milljónum króna. Þessar reglur hafa gilt frá árinu 2017 en í nýrri stefnu Samfylkingarinnar, í atvinnu- og samgöngumálum, er talað um að koma „stjórn á Airbnb“ til að draga úr álagi á húsnæðismarkaðinn vegna ferðaþjónustu en þessi bandaríska gistimiðlun hefur lengi umsvifamikil á íslenska markaðnum.

Kristrún Frostadóttir, formaður Samfylkingarinnar, hefur áður lýst því yfir að hún telji ekki að meiri stýring á heimagistingu muni hafi áhrif á afkastagetu ferðaþjónustunnar.

„Framboðið á íbúðum í skammtímaleigu gæti minnkað — en fyrirtækin verða að sitja við sama borð. Á móti gæti myndast aukinn hvati til hóteluppbyggingar og uppbyggingar á öðru atvinnuhúsnæði sem mætti nýta í skammtímaleigu til ferðamanna. Það verður líka að gæta þess í öllum svona breytingum að ganga ekki of hart fram eða of hratt. Þetta mætti aldrei framkvæma þannig að það drægi skyndilega úr afkastagetu ferðaþjónustunnar.”

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …