Samfélagsmiðlar

Fjölga ferðunum til Denver í sumar og vetur

Flugvallarbyggingin í Denver er með þeim þekktari vestanhafs enda óvenjuleg. MYND: DENVER AIRPORT

Á árunum fyrir heimsfaraldur bauð Icelandair upp á flug til Denver allt árið um kring en síðustu ár hefur verið gert hlé á fluginu til bandarísku borgarinnar frá áramótum og fram í lok mars. Á því verður nú breyting því ætlunin er að halda úti flugferðum til Denver í allan vetur en flugvöllur borgarinnar er mikið nýttur af skíðaáhugafólki enda fjöldi stórra útivistarsvæða í nágrenninu.

„Denver flugleiðin hefur gengið vel undanfarið og auk þess erum við með fleiri MAX vélar í rekstri nú en áður sem gerir það að auðveldara að halda uppi flugleiðum yfir lágönnina. Stefnan er að fljúga fjórum sinnum í viku til Denver frá byrjun janúar fram í miðjan febrúar og bæta svo í eftir það,“ segir Guðni Sigurðsson, talsmaður Icelandair, um komandi vetrarvertíð í Denver.

Guðni bendir jafnframt á að í sumar hefji Icelandair morgunflug til Denver, fjórum sinnum í viku.

„Þannig náum við að nýta vélarnar betur og þær stoppa styttra við ytra en samt náum við að halda góðum tengingum við leiðakerfið í Keflavík. Alls verða 11 flug til Denver í viku og 8 þeirra fara fram og til baka. Hin þrjú flugin þar sem vélar þurfa að stoppa lengur á jörðu niðri hafa verið skipulögð fyrir einfaldar viðhaldsaðgerðir í samstarfi við viðhaldsfyrirtækið okkar á Denver flugvelli.“

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …