Samfélagsmiðlar

Hvetja farþega skemmtiferðaskipa til að gefa íslensku séns

Boðskapur í búðarglugga - MYND: HÓ

Hvernig segirðu góðan daginn á íslensku? Þótt farþegar skemmtiferðaskipa stoppi oft stutt á landinu þá er það eitthvað sem marga leikur forvitni á að vita.  

Verkefnið Gefum íslensku séns – íslenskuvænt samfélag á Ísafirði hefur nú komið upp skiltum og veggspjöldum víðsvegar um Ísafjörð, á staurum, inni í verslunum, stofnunum, söfnum og á veitingahúsum til að vekja athygli ferðamanna á íslenskunni. 

Samkvæmisleikur fyrir ferðafólk

Verkefnið er hugsað sem einskonar samkvæmisleikur fyrir gesti skemmtiferðaskipa og annað ferðafólk. Á veggspjöldunum og skiltunum eru QR-kóðar sem leiða fólk inn á síðuna www.gefumislenskusens.is/godandaginnisafjordur þar sem það getur nálgast algenga frasa með hljóðskrá ásamt þýðingum á þýsku, ensku og frönsku. Hugmyndin er að hvetja fólk til að nota íslenskuna – til að bjóða fólki góðan daginn á íslensku eða panta sér kaffi á íslensku. 

Gefum íslensku séns – MYND: HÓ

Virkja nærsamfélagið til íslenskukennslu

Verkefnið Gefum íslensku séns er verkefni sem hefur einna helst það markmið að virkja fólk í nærsamfélaginu til að sinna hlutverkum sínum sem svokallaðir almannakennarar – veita fólki af erlendum uppruna aðstoð við að tileinka sér íslensku. Verkefnið fékk Evrópumerkið á síðasta ári, fyrir hönd mennta- og barnamálaráðherra, viðurkenningu fyrir nýbreytni í tungumálakennslu. 

Skipafarþegar á Ísafirði í fyrrasumar – MYND: ÓJ

Íbúar hvattir til að vekja athygli fólks á verkefninu

195 komur skemmtiferðaskipa eru bókaðar frá apríl til loka september á Ísafirði og suma daga margfaldast íbúafjöldi bæjarins. Veggspjöldin og skiltin eru styrkt af sumarviðburðasjóði hafna Ísafjarðarbæjar og eru íbúar hvattir til að benda ferðafólki á skiltin til að virkja fólkið til þátttöku. 

Skipafarþegar skipuleggja daginn sem dvalið er á Ísafirði – MYND: ÓJ

Nýtt efni

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …