Samfélagsmiðlar

Segja versnandi afkomuspá vera nýjasta dæmið um hversu lélegir stjórnendurnir eru

Gary Kelly (t.v) er fyrrum forstjóri Southwest og núverandi stjórnarformaður. Bob Jordan (t.h) tók við sem forstjóri árið 2022. MYND: SOUTHWEST AIRLINES

Stjórnendur fjórða stærsta flugfélags Bandaríkjanna, Southwest Airlines, lækkuðu í gær tekjuspá sína fyrir yfirstandandi ársfjórðung. Nú er reiknað með að einingatekjur félagsins lækki um 4 til 4,5 prósent en gamla spáin gerði ráð fyrir 1,5 til 3,5 prósent lækkun.

Þessi þróun skrifast á breytt bókunarmynstur sem veldur því að Southwest gengur verr að hámarka tekjur af hverju flugsæti. Þetta kemur fram í kauphallartilkynningu sem félagið sendi frá sér í gær en þar er þó tekið fram að þrátt fyrir þessa lækkun þá er búist við tekjurnar á yfirstandandi fjórðungi verði hærri en nokkru sinni áður á þessum tíma árs. Framboðið hefur nefnilega aukist töluvert frá fyrra ári sem vegur upp á móti lægri einingatekjum.

Segja má að þessi breytta tekjuspá sé vatn á myllu fjárfestingasjóðsins Elliott Investment Management sem keypti nú í sumarbyrjun um 10 prósent hlut í Southwest og varð þar með einn af stærstu hluthöfunum. Allt frá því að þau kaup voru frágengin hafa talsmenn Elliot sjóðsins kallað eftir því að bæði forstjóri og stjórnarformaður Southwest Airlines verði látnir fara og endurskoðun fari fram á viðskiptamódeli flugfélagsins.

„Stjórnendur Southwest hafa sýnt að þeim tekst ekki að laga félagið að nútíma flugrekstri líkt og tilkynning dagsins sýnir fram á,“ segir í yfirlýsingu sem Elliot sjóðurinn sendi frá sér eftir að hin nýja tekjuspá hafði verið birt.

Elliot sjóðurinn er ekki eini fjárfestirinn vestanhafs sem hefur síðustu mánuði keypt stóran hlut í bandarískum flugfélögum og í kjölfarið orðið hávær í gagnrýni sinni á rekstur viðkomandi félags. Það er líka raunin hjá Jetblue en gengi hlutabréfa í því félagi hefur líka lækkað umtalsvert síðustu ár.

Bréfin í Icelandair hafa líka lækkað hratt síðustu misseri og gengið helmingast sl. 12 mánuði. Guðmundur Hafsteinsson, stjórnformaður Icelandair, var spurður að því hér á FF7 í vikunni hvort sú þróun auki ekki líkurnar á því að stór fjárfestir komi inn í félagið og fari jafnvel fram á uppstokkun líkt og raunin er hjá Southwest Airlines.

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …