Samfélagsmiðlar

Siglingaspenna í Halifax

Áhorfendur í Halifax fylgjast með keppendum - MYND: ÓJ

Íslendingar sem komnir eru yfir miðjan aldur muna kannski eftir Halifax í Kanada úr skipafréttum í Ríkisútvarpinu. Þessi hafnarborg er aðsetur fylkisstjórnar Nova Scotia og státar af mikilli sögu tengdri útgerð og siglingum.

Allir sem kynnt hafa sér átakanlega endalok skemmtiferðaskipsins Titanic í apríl 1912 vita auðvitað að þeir sem björguðust fóru til New York en líkin sem fundust voru flutt til Halifax, sem var og er ein mikilvægasta höfnin við austurströnd Norður-Ameríku. 

Um þessa helgi er líf og fjör í Halifax – þökk sé áhugafólki um æsilegar siglingar.

Blánefjan á siglingu – MYND: Wikipedia

Þessi líflega hafnarborg státar ekki aðeins af einni dýpstu höfn í heimi heldur er þar kjörinn vettvangur keppna í skútusiglingum.

Kanadamenn benda erlendum ferðamönnum gjarnan á að 10 senta peningurinn státi mynd af skonortunni Bluenose, sem varð eitt þjóðartákna Kanadamanna eftir að hún vann sigur á bandarískri skútu í siglingarkeppni sem háð var 1923.

Í dag lýkur hinsvegar keppni í flokki einhverra hraðskeiðustu skúta sem fyrirfinnast, F50-tvíbyttna sem kljúfa öldurnar á vel yfir 50 hnúta hraða.

Röð áhugafólks um kappsiglingar í Halifax – MYND: ÓJ

Keppnin sem lýkur í dag er nefnd Sail Grand Prix, eða bara SailGP, sem danski steinullarframleiðandinn Rockwool kostar. Keppendur koma víða að, m.a. frá Danmörku, Bretlandi, Spáni, Nýja-Sjálandi og auðvitað Kanada, og um 10 þúsund manns koma sérstaklega til Halifax til að fylgjast með keppninni. 

Auglýsing um Grand Prix-siglingakeppnina – MYND: SailGP

Þó að almennir ferðamenn hafi ekki verið ýkja kátir með veðrið í Halifax þessa helgina þá voru siglingakapparnir alsælir á þessum degi, sem Íslendingar halda hátíðlegan og kenna við sjómenn:

Byrinn var góður og aðstæður til kappsiglingar hinar ákjósanlegustu. 

Á æsilegri siglingu – MYND: SailGP

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …