Samfélagsmiðlar

„Þetta er ekki boðlegt“

Fargjöld í innanlandsflugi eru hærri en áður. Bæjarstjóri Akureyrar segir Loftbrúna ekki duga.

Ásthildur Sturludóttir, bæjarstjóri á Akureyri, segir Loftbrúna ekki duga til að gera innanlandsflug raunhæfan kost. MYNDIR: ISAVIA OG AKUREYRARBÆR

Allt þetta ár hafa farmiðar í innanlandsflugi hækkað frá því í fyrra samkvæmt verðmælingum Hagstofunnar. Í janúar fór verðið upp um fjórðung á milli ára og í maí nam hækkunin 15 prósentum. Verðvísitala fyrir fargjöld í innanlandsflugi stendur nú í 199,5 og hefur hún aldrei áður mælst þetta há í maí líkt og FF7 greindi frá.

Ásthildur Sturludóttir, bæjarstjóri á Akureyri, segir þessar tölur sýna svart á hvítu það sem rætt hefur verið og íbúar finni sannarlega fyrir.

„Það verður sífellt dýrara fyrir fólk að nýta sér þennan samgöngumáta og þetta er ekki boðlegt. Loftbrúin, þó góð sé, er langt frá því að duga sem úrræði þannig að innanlandsflug sé raunhæfur valkostur.“

Það er Icelandair sem er langumsvifamest í flugi til og frá Akureyri og stjórnendur þess hafa greint frá því að „innanlandsflugið skili mun betri árangri en áður.“

Niðurgreiðsla hins opinbera á farmiðum

Loftbrúin var sett á laggirnir haustið 2020 en markmiðið með henni er að bæta aðgengi íbúa á landsbyggðinni að höfuðborgarsvæðinu og efla byggðir með því að gera „innanlandsflug að hagkvæmari samgöngukosti“ eins segir á Ísland.is. Fá íbúar á landsbyggðinni 40 prósent afslátt af fargjaldinu í allt að 6 flugleggi á ári en kostnaður ríkisins af rekstri Loftbrúarinnar er metinn á 600 milljónir króna á ári.

Sem fyrr segir hefur afkoman af innanlandsflugi hjá Icelandair batnað undanfarin ár en hins vegar er rekstur flugfélagsins Ernis í járnum líkt og forsvarsmenn félagsins hafa greint frá.

FF7 Í 30 DAGA FYRIR 300 KRÓNUR – FULLT VERÐ Í FRAMHALDINU EN ENGINN BINDITÍMI

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …