Samfélagsmiðlar

Bílaframleiðandinn Stellantis fjárfestir meira í framleiðslu á rafknúnum flugskutlum

Flugskutlur - MYND: Archer Aviation

Rafknúnar litlar þyrlur (eVTOL), sem við nefnum flugskutlur, koma nú hver af annarri fram á sjónarsviðið. Meðal þeirra sem veðjað hafa á framtíðarmöguleika þeirra eru flugfélög, sem sjá tækifæri í því að flytja vel borgandi farþega frá heimili eða vinnustað beint út á flugvöll, t.d. frá miðju Manhattan-eyjar á JFK-flugvöll. Við sögðum í vetur t.d. frá reynsluflugi flugskutlu frá framleiðandanum Joby Aviation. Annað fyrirtæki, Archer Aviation, er líka á hraðferð inn á þessa nýju braut í samgöngumálum.

Unnið að smíði skrokks flugskutlunnar Midnight – MYND: Archer Aviation

Greint var frá því í gær að bílaframleiðslusamsteypan Stellantis hefði fjárfest enn meira í Archer, nú lagt fram um 55 milljónir dollara, eftir að hafa fyrr á árinu tryggt meirihluta sinn í flugþróunarfyrirtækinu. Á síðasta ári keypti Stellantis hlutabréf á markaði og fjárfesti í verkefnum með samningum við Archer fyrir samtals 110 milljónir dollara. Það er því ljóst að samsteypan sem framleiðir Chrysler, Fiat, Opel og fleiri bílategundir, vill hefja sig til flugs.

Gengið var frá þessum nýjustu samningum eftir vel heppnað „miðnæturflug,“ reynsluflug rafknúnu flugskutlunnar Midnight.

Nýja verksmiðjan í Georgíu-ríki – MYND: Archer Aviation

Archer stefnir að því að ljúka byggingu afkastamikillar nýrrar verksmiðju í Georgíu-ríki síðar á árinu. Þar á að vera hægt að smíða allt að 650 flugskutlur á ári, sem eru mestu framleiðsluafköst sem þekkjast í fluggeiranum. Eru vonir bundnar við að framleiðsluþekking Stellantis komi þar að góðum notum.

„Fátt jafnast á við spennuna sem fylgir því að sjá drauminn taka flugið. Ég lofa hástöfum nýsköpun, sérþekkingu og vinnusemi verkfræðinga og starfsfólks Stellantis og Archer,“ segir Carlos Tavares, portúgalskur forstjóri Stellantis, í tilkynningu um fjárfestingu bílarisans í flugskutluframleiðslu framtíðarinnar.

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …