Samfélagsmiðlar

Íslandshótel fá aðild að Glasgow yfirlýsingunni

Hótel Reykjavík Saga er eitt af hótelum Íslandshótelanna, stærsta hótelfyrirtækis landsins. MYND: ÍSLANDSHÓTEL

Heimssamtök ferðamálaþjónustu Sameinuðu þjóðanna hafa formlega samþykkt aðild Íslandshótela að Glasgow yfirlýsingunni um loftslagsaðgerðir í ferðaþjónustunni. Íslandshótel er þannig fyrsta íslenska ferðaþjónustufyrirtækið og fyrsta hótelkeðjan á Íslandi sem tekur þar þátt, en fyrir var Íslenski ferðaklasinn.

Þetta kemur fram í tilkynningu og þar segir að þessi áfangi undirstriki enn frekar skuldbindingu Íslandshótela um sjálfbærni og ábyrga ferðaþjónustu. 

„Með aðild að Glasgow yfirlýsingunni getum við enn frekar innleitt árangursríka verkferla á sviði sjálfbærni og umhverfisverndar. Ferðamenn í dag eru mjög meðvitaðir um umhverfismál og með þessu skrefi sýnum við svart á hvítu að Íslandshótel eru ekki aðeins leiðandi á þessu sviði, heldur munu halda áfram að taka stór skref í þessari vegferð. Umhverfismál eru okkar hjartans mál og við fögnum þessum áfanga sem félagið hefur nú náð,“ segir Davíð Torfi Ólafsson, forstjóri Íslandshótela.

Glasgow yfirlýsingunni var formlega hleypt af stokkunum á loftslagsráðstefnu Sameinuðu þjóðanna í samnefndri borg í Skotlandi árið 2021 og er tilgangurinn að vera sameiginlegur vettvangur hagsmunaaðila í ferðaþjónustu um samstilltar aðgerðir til að draga úr kolefnislosun. Með aðild að Glasgow yfirlýsingunni skuldbinda þátttakendur sig til að minnka kolefnislosun sína um helming fyrir 2030 og ná núllpunkti fyrir árið 2050. 

Íslandshótel taka með undirrituninni þátt í alþjóðlegri hreyfingu leiðandi aðila á sviði ferðaþjónustu til að draga úr skaðlegum áhrifum loftslagsbreytinga og setur félagið þannig í fremstu röð í sjálfbærri ferðaþjónustu, umhverfisábyrgð og gefur félaginu möguleika á þátttöku í samvinnuverkefnum um nýjungar á þessu sviði. 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …