Samfélagsmiðlar

Matarljósmynd ársins 2024

Matur, fólk, hefðir og menning eru helstu efnistökin í keppninni um Matarljósmyndara ársins sem var útnefndur á dögunum, og kemur að þessu sinni frá Kína.

Mynd ársins, eftir Zhonghua Yang


Fæstir hafa tæki og tól til að ná stórkostlegum náttúrulífsmyndum eða norðurljósum í fullum skrúða. En nokkuð sem oftar en ekki má finna í miklu magni á myndavélum og símum okkar flestra eru myndir af mat. Þær myndir eru þó líklega ekki í sama gæðaflokki og ljósmyndir sem Pink Lady Food Photographer of the Year þarf að vera af, en nýverið var tilkynnt um sigurvegara ársins 2024.

Pink Lady-eplaræktandinn er helsti stuðningsaðili keppninnar sem fór fyrst fram árið 2011. Markmiðið er fyrst og fremst að fanga fjölbreytileika matar- og drykkjarmenningar um allan heim og sýna hvernig matarljósmyndun sem þessi getur miðlað sögum, hefðum og tilfinningum tengdum mat. Keppnin er jafnframt einn helsti vettvangur fyrir ljósmyndara til að sýna verk í þessum flokki á alþjóðavísu.

Keppnisflokkarnir eru þónokkrir og keppt í flokki áhugafólks og atvinnumanna, flokki matarundirbúnings, matarhátíða og meira að segja er sérstakur flokkur þar sem myndir af börnum að borða eru í aðalhlutverki. Vinningsmyndirnar eru svo sýndar á opinberum sýningum víða um heim.

Í ár var það mynd eftir kínverska ljósmyndarann Zhonghua Yang sem bar sigur úr býtum. Á myndinni er kona í óða önn að útbúa rauðbauna dumplings en í sveitahéruðum Xiangshan í Kína er hefð fyrir því að búa til dim sum fyrir vorhátíðir. Matur eins og sá á myndinni er útbúinn af mikilli vandvirkni og kunnáttu sem erfist kynslóð fram af kynslóð.  

Caroline Keynon, stofnandi keppninnar, segir að í sigurmyndinni sé fullkomið jafnvægi milli ljóss og skugga, dulúðar og angurværðar. „Maturinn er útbúinn á einstaklega fallegan og fínlegan hátt, þar sem ávalar línur hans kallast á við kantaðar útlínur glugganna þaðan sem ljósið streymir inn. Á sama tíma er þreytuleg konan sem hefur séð um matreiðsluna að bera inn enn annan bakka. Hennar hlutverk er að vinna og þjóna á meðan gestirnir skemmta sér.“

Hér má sjá fleiri myndir úr keppninni í ár. 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …