Samfélagsmiðlar

Ólympískt tekjufall

Flugvélar og farþegar á Charles de Gaulle-flugvelli í Roissy-en-France við París - MYND: ÓJ

Það er margt sem mæðir stóran hluta frönsku þjóðarinnar núna: Þingkosningar geta átt eftir að breyta mörgu í hina frjálslynda franska fjölmenningarsamfélagi – og svo þarf að halda Ólympíuleika í höfuðborginni París 26. júlí til 11. ágúst með tilheyrandi álagi á alla innviði.

Ekki er að efa að ef vel tekst til þá verða leikarnir fjöður í hatt Frakka og að þeir geti leitt til margs góðs í borginni vegna þeirra úrbóta sem hafa verið gerðar. Á hinn bóginn fylgir leikunum ekki sá beini fjárhagslegi ávinningur sem margir sáu í hillingum. Leiguverð íbúa sem hafði verið spennt upp hefur hríðfallið vegna minni eftirspurnar en vænst var og svo virðist sem að færri hugsi sér til hreyfings þessa daga en gert var ráð fyrir.

Auðvitað má búast við töluverðu álagi og raski vegna fjölda keppenda og gesta í borginni en nú hefur þjóðarflugfélagið og einn stuðningsaðila Ólympíuleikanna, fransk-hollenska samsteypan Air France-KLM, séð ástæðu til að vara við tekjufalli í flugrekstrinum, einkum hjá dótturfyrirtækinu, lággjaldaflugfélaginu Transavia, vegna þess að líklegt sé að margir endurskoði ferðaáætlanir sínar vegna leikanna.

Svona sáu menn fyrir sér setningu Ólympíuleikanna á Signu – Tölvugerð mynd: OL24/Florian Hulleu

Air France-KLM greindi frá því í morgun að búast mætti við tekjur Transavia drægjust jafnvel saman um 160 til 180 milljónir evra frá júníbyrjun til ágústloka vegna þess að alþjóðlegi ferðamarkaðurinn sniðgengi París á þessum tíma vegna Ólympíuleikanna. Niðurstaðan yrði minni flugumferð milli Parísar og annarra borga í heiminum. Svo bætist við að margir Frakkar virðast ætla að fresta ferðalögum á meðan leikarnir standa yfir og fylgjast með þeim á vettvangi eða í sjónvarpi.

Það bendir því fátt til að Ólympíuleikarnir verði flugsamsteypunni Air France-KLM sá tekjuauki sem margir væntu. Hins vegar fylgir umstanginu í kringum þá truflanir á gangverki flugvalla við París, t.d. verður yfirflug bannað á meðan setningarathöfnin stendur.

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …