Samfélagsmiðlar

Rūta Dabašinskaitė-Vitkė tekur við fjármálum Play

Flugfélagið Play hefur ráðið Rūta Dabašinskaitė-Vitkė sem framkvæmdastjóra fjármálasviðs félagsins. Hún tekur við af Ólafi Jóhannessyni sem sagði starfi sínu lausu fyrr á árinu og gegnir Einar Örn Ólafsson, forstjóri Play, nú stöðu framkvæmdastjóra fjármálasviðs tímabundið.

Rūta hefur störf í byrjun ágúst en hún hefur 15 ára reynslu af reikningshaldi og fjármálum og 10 ára reynslu af framkvæmdastjórnarstörfum að því segir í tilkynningu.

Rūta gegndi starfi fjármálastjóra hjá Bluebird Nordic frá árinu 2021 til 2024 en fyrrum forstjóri þess félags, Sigurður Örn Ágústsson, var ráðinn til Play í apríl sl.

„Ég er afar þakklát fyrir að fá tækifæri til að leiða fjármálasvið Play. Félagið hefur tekið miklum framförum undanfarin ár og er ég full eftirvæntingar að fá að taka þátt í frekari framþróun félagsins. Ég trúi því að víðtæk reynsla mín úr atvinnulífinu og flugrekstri muni koma félaginu að gagni,“ segir Rūta.   

Einar Örn, forstjóri Play, segir það mikinn feng fyrir flugfélagið að fá Rūta um borð.

„Henni fylgir mikil reynsla af alþjóðlegum flugrekstri sem mun sannarlega nýtast okkar flugfélagi vel. Hún verður góð viðbót við sterkan stjórnendahóp okkar og ég er sannfærður um að fjármálateymið okkar verður í góðum höndum með hana í fararbroddi.“   

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …