Samfélagsmiðlar

Lággjaldahótel í London

Tune Hotels vonast til að valda byltingu í ferðaþjónustunni líkt og Ryanair og Easyjet gerðu á sínum tíma. Um mánaðarmótin opnar fyrsta hótel þeirra í London. Gistingin kostar frá 6500 krónum og fólk borgar aukalega fyrir þrif og handklæði.

Hótelgistingin hjá Tune Hotels verður með því ódýrasta í London
Lággjaldaflugfélögin eru mörg hver lunkin við að rukka farþegana aukalega fyrir farangur, sætaskipan og fleira. Ryanair þykist meira að segja ætla að setja gjaldmæla við klósettin. Forsvarsmenn malasísku hótelkeðjunnar Tune Hotels hafa fetað í fótspor flugfélaganna og selja gistinguna ódýrt en gestirnir þurfa að borga sérstaklega fyrir ýmsa þjónustu sem hingað til hefur verið talin nokkuð sjálfsögð á hótelum.

Þannig kostar aðgangur að sjónvarpi þrjú pund á dag, þrif á herbergi sjö og hálft pund og þeir sem þurfa á hárþurrku að halda borga tvö pund. Hvað sem þessari aukagjaldtöku líður þá er mögulegt að finna gistingu hjá Tune Hotels sem er með því allra ódýrasta sem finnst miðsvæðis í London. En hótelið verður til húsa í Westminster, ekki svo langt frá Big Ben og The London Eye. Ódýrustu tveggja manna herbergin kosta 35 pund sem samsvarar 6500 íslenskum krónum.

Hótelið sem opnar 30. ágúst verður það tíunda í röðinni hjá Tune Hotels en hin eru í Malasíu og Indónesíu.

Smelltu hér til að gera verðsamanburð á gististöðum Tune Hotels í London

TENGDAR GREINAR: Úthugsuð Lundúnarhótel á góðu verðiHótel á starfsfólks
TILBOÐ: Gisting í London frá 99 pundum

Mynd: SioW (Creative Commons)


Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …