Samfélagsmiðlar

Vill ekki segja afhverju gögnin um WOW voru gerð opinber

Sá sem er forsvari fyrir fjármögnun WOW vill ekki tjá sig um stöðu mála og afhverju viðkvæmar upplýsingar um flugfélagið voru birtar í vikunni.

Fjárhagsleg staða WOW air hefur ekki verið upp á borðinu síðustu misseri og til að mynda birta fyrirtækið nú í sumar í fyrsta sinn upplýsingar um afkomu sína árið 2017. Fyrr í þessari viku birtust svo óvænt mjög ítarleg gögn á heimasíðu norræna fjármálafyrirtækisins Pareto um rekstur WOW air og framtíðaráform þess. Um var að ræða kynningu á skuldabréfaútgáfu íslenska flugfélagsins upp á  6 til 12 milljarða króna og hafa íslenskir fjölmiðlar birt fjölda margar fréttir byggðar á þessum upplýsingum síðustu daga. Meðal annars hefur komið að taprekstur WOW air hefur aukist í ár.

Það mun vera mjög óvenjulegt að svona viðkvæmar upplýsingar séu gerða opinberar með þessum hætti í tengslum við skuldabréfaútboð samkvæmt því sem viðmælendur Túrista, úr íslenskum fjármálaheimi, segja. Venjan er frekar sú að stutt samantekt sé send fjárfestum og fjármálafyrirtækjum og þessi aðilar geti í framhaldi óskað eftir ítarlegri gögnum en skrifi um leið undir þagnareið. Þessi leið var ekki farinn í tilviki WOW air sem fyrr segir.

Sá starfsmaður Pareto fjármálafyrirtækisins sem sér um skuldabréfaútboð WOW air vill hins vegar ekki tjá sig um framkvæmdina. „Ég vil ekkert segja. Þessu samtali er lokið,“ endurtók viðkomandi nokkrum sinnum þegar þegar Túristi náði af honum tali nú í morgun og bar upp spurningar um skuldabréfaútboðið.

Eins og fram hefur komið þá ætla forsvarsmenn WOW air ekki tjá sig um skuldabréfaútgáfuna fyrr en síðar.

 

 

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …