Samfélagsmiðlar

Icelandair breytir reglum og gjöldum

Nú er ekki lengur hægt að breyta Economy Light farmiðum hjá Icelandir. Á móti kemur að breytingagjaldið á Economy Standard lækkar um helming. Sú lækkun stenst fyllilega verðsamanburð við það sem þekkist í flugi héðan vestur um haf en ekki í Evrópuflugi.

Það eru rúm tvö ár liðin frá því að Icelandair hóf að selja farmiða án innritaðs farangurs, svokölluð Economy Light fargjöld. Þá fylgdi Icelandair fordæmi lággjaldaflugfélaganna sem lengi hafa rukkað aukalega fyrir farangur. Mörg hefðbundin flugfélög hafi farið sömu leið síðustu ár.

Allur gangur er á því hvort farþegar með þess háttar farmiða megi breyta ferðadögum eða jafnvel skipta um áfangastað. Reglurnar eru mismundandi eftir flugfélögum samkvæmt lauslegri athugun Túrista. Þannig eru breytingar leyfðar hjá British Airways og SAS en ekki hjá Lufthansa eða Finnair. Og nú bætist Icelandair í flokk með þeim síðarnefndu því handhafar Economy Light farmiða hjá flugfélaginu geta ekki gert fyrrnefndar breytingar.

Þessi sveigjanleiki er þó áfram fyrir hendi fyrir þá sem eru með farmiða í næst ódýrasta fargjaldaflokknum, Economy Standard. Gjaldið sem Icelandair rukkar fyrir breytingar á þeim farmiðum nemur 13 þúsund krónum ef ferðalagið hefst hér á landi. Verðmuninum á gamla og nýja fargjaldinu bætist svo við. Þetta gjald fyrir breytingar var nýverið lækkað um helming hjá Icelandair í ferðum til Evrópu og um sextíu prósent í Ameríkuflugi samkvæmt upplýsingum frá flugfélaginu.

Þrátt fyrir þessa lækkun þá er gjaldtakan fyrir breytingar á Economy Standard farmiðum nokkru hærri en þekkist á sambærilegum fargjöldum hjá hefðbundnum evrópskum flugfélögum sem fljúga til og frá Keflavíkurflugvelli. Hjá British Airways er það um 11.700 kr. (85 evrur) á meðan gjald fyrir breytingar hjá Lufthansa, SAS og Finnair er um 9.600 kr. (70 evrur). Það er um fjórðungi lægra en hjá Icelandair. Farþegar þess íslenska, sem hefja ferðalagið annars staðar í Evrópu en á Keflavíkurflugvelli, borga minna fyrir breytingar á Economy Standard miðum eða um 10.300 kr. (75 evrur).

Verðsamanburðurinn lítur mun betur út fyrir Icelandair þegar kemur að flugi héðan til Bandaríkjanna og Kanada. Þá er gjaldið fyrir breytingar áfram 13 þúsund krónur hjá Icelandair sem er um þrisvar sinnum lægra en gjaldið sem bandarísku flugfélögin American Airlines, United og Delta taka fyrir breytingar á flugmiðum frá Íslandi til Bandaríkjanna.

„Við lækkun breytingagjalda hjá Icelandair lögðum við áherslu á að breytingarnar yrðu í samræmi við markmið okkar um að vera með sanngjarna og einfalda verðlagningu. Þá horfðum við til samkeppninnar, þess sem gengur og gerist í okkar bransa og eðli hinna ólíku markaða sem við störfum á. Hvað breytingagjöld á íslenska markaðinum varðar, ákváðum við að hafa eitt og sama breytingagjaldið fyrir allar ferðir, sem við teljum bæði sanngjarnt og skýrt fyrir okkar viðskiptavini,“ segir Birna Ósk Einarsdóttir, framkvæmdastjóri sölu og þjónustu hjá Icelandair. Hún bætir því við að við verðlagninguna á Íslandi hafi líka verið tekið mið af gengi krónunnar.

Þess má geta að Icelandair og önnur evrópsk flugfélag rukka töluvert meira fyrir breytingar á flugmiðum sem gefnir eru út í Norður-Ameríku. Þá er gjaldið fyrir breytingar um 31 þúsund krónur (250 dollarar) hjá íslenska flugfélaginu og SAS rukkar þar 300 dollara (37 þúsund kr.) fyrir breytingar sem er fjórfalt hærra en félagið gerir í Evrópuflugi. 

EF ÞÉR FINNST EITTHVAÐ GAGN Í SKRIFUM TÚRISTA ÞÁ GETUR ÞÚ STUTT VIÐ ÖFLUGARI ÚTGÁFU MEÐ REGLULEGUM FRAMLÖGUM

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …