Samfélagsmiðlar

Þeir sem hafa keypt og selt í Play

Gengi hlutabréfa í Play hækkaði um ríflega fjórðung í síðustu viku og þar með fór markaðsvirði félagsins upp rúmlega fjóra milljarða króna. Núna er félagið metið á 19 milljarða króna.

Og á nýbirtum lista yfir stærstu hluthafana má sjá eignarhlutföll nokkurra hafa breyst þónokkuð síðustu vikur.

Þannig er þrír sjóðir í vörslu verðbréfafyrirtækisins Akta skráðir fyrir samtals átta milljónum færri hlutum í dag en í byrjun september. Aftur á móti hefur hlutabréfasjóðurinn IS Equus, sem Íslandssjóðir reka, bætt við sig álíka mörgum hlutum.

Vátryggingafélag Íslands hefur líka keypt nærri þrjár milljónir hluta síðustu vikur og lífeyrissjóðurinn Lífsverk hefur bætt við tæplega tveimur milljónum. Virði hvers hlutar er í dag 27,2 krónur.

Alva Capital, í eigu Skorra Rafns Rafnssonar, fyrrum stjórnarformanns Netgíró, eru hins vegar ekki lengur á lista yfir 20 stærstu hluthafanna. Það félag var skráð fyrir 9,7 milljónum hluta í byrjun september en núna þarf um 8,5 milljónir hluta til að komast á topplistann.

Arion banki og Kvika banki eru einnig skráðir fyrir mun stærri eignarhlut í Play í dag en þeir voru í byrjun september. Þar eru líklegast að einhverju leyti bréf sem eru í eigu viðskiptavina bankanna tveggja.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …