Samfélagsmiðlar

Markaðssetning á millilandaflugi til Akureyrar mun leggjast af

Arnheiður Jóhannsdóttir

„Það er mikil vinna eftir til að tryggja áframhald á þessum verkefnum og ekki hægt að vinna að því án fjármagns," segir Arnheiður Jóhannsdóttir, framkvæmdastjóri Flugklasans Air 66N og Markaðstofu Norðurlands.

Flugklasinn Air 66N, sem rekinn er af Markaðsstofu Norðurlands, hefur það verkefni að efla millilandaflug um Akureyrarflugvöll. Klasinn var stofnaður fyrir 12 árum síðan en nú er útlit fyrir að starfsemin stöðvist um áramótin þar sem sveitarfélög á Norðurlandi, þar á meðal Akureyrarbær, ætla að láta af fjárhagsstuðningi við verkefnið.

Akureyrarbær hefur veitt 9 milljónum króna á ári í verkefnið og önnur sveitarfélög samtals 5 milljónum. Mótframlag Menningar- og viðskiptaráðuneytisins nemur 20 milljónum kr. og 15 milljónir koma úr Flugþróunarsjóði. Flugklasinn því fengið 49 milljónir króna til rekstursins árlega. 

Beint millilandaflug frá Akureyri yfir vetrarmánuðina mun aukast í vetur með komu Easyjet. MYND: Markaðsstofa Norðurlands

„Það eru mikil vonbrigði að Akureyrarbær og fleiri sveitarfélög á Norðurlandi skuli taka þá ákvörðun nú að hætta stuðningi við starf Flugklasans Air 66N og þar með lýkur vinnu við að ná inn beinu flugi um Akureyrarflugvöll um áramótin. Árangur hefur náðst reglulega fá árinu 2018 þegar fyrsta leiguflug Superbreak frá Bretlandi kom hingað beint. Síðan þá hafa bæst við Voigt Travel, Kontigi, Edelweiss og það nýjasta flug tvisvar í viku með easyJet frá London Gatwick. Það er mikil vinna eftir til að tryggja áframhald á þessum verkefnum og ekki hægt að vinna að því án fjármagns. Uppbygging á beinu flugi hefur lengi verið stefna landshlutans og unnið að því markmiði í breiðu samstarfi. Áhrifin af beinu flugi eru vel sýnileg og skila tekjum inn á svæðið, auknum fjárfestingum, nýjum heils árs störfum, öflugri þjónustu, lengri opnunartíma fyrirtækja og nýrri afþreyingu svo eitthvað sé nefnt,” segir Arnheiður Jóhannsdóttir, framkvæmdastjóri Flugklasans Air 66N og Markaðstofu Norðurlands, í svari til Túrista um stöðuna. 

Með lokun Flugklasans verður stöðugildi eins starfsmanna lagt niður frá áramótum og samstarfi við Austurbrú, um vinnu að beinu flugi á Akureyrar- og Egilsstaðaflugvöll, verður hætt. Einnig verður samstarfi við þær erlend flugfélög og ferðaskrifstofur um flug til Akureyrar hætt.

Í lok þessa mánaðar hefst áætlunarflug Easyjet frá London til Akureyrar og verður þetta í fyrsta sinn sem erlent flugfélag heldur úti hefðbundnu áætlunarflugi til Akureyrar yfir vetrarmánuðina. Hingað til hefur millilandaflugið þaðan verið á vegum ferðaskrifstofa. 

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …