Samfélagsmiðlar

„Takið af ykkur skóna“ – en bara í Leifsstöð

Öryggisleitin á Keflavíkurflugvelli er ítarlegri en hjá nágrannaþjóðunum.

Farþegar sem fara um Leifsstöð þurfa undantekningarlaust að fara úr skóm við öryggisleit. Á flugvöllunum í Kaupmannahöfn, Osló, Stokkhólmi og Helsinki gildir þessi regla ekki samkvæmt upplýsingum Túrista. Þó mega öryggisverðir þar biðja fólk um að fara úr skóm, til dæmis ef þeir líta út fyrir að vera með málmi í.

Í Bretlandi gilda strangari reglur en á Norðurlöndunum en þar þarf að skanna skó ákveðins hluta farþeganna, en þó ekki allra. Sú regla, ásamt öðrum, hefur verið harðlega gagnrýnd af forsvarsmönnum flugfélaganna þar í landi og þessa dagana kannar bresk þingnefnd hvort hverfa eigi frá þessu handhófskennda eftirliti. Í Bandaríkjunum eru hins vegar gerðar strangar kröfur líkt og hér á landi.

Segja eftirlitið flýta fyrir

Alþjóðlegar reglur banna farþegum að taka með sér í handfarangri vökva í íláti sem er meira en hundrað millilítrar. Reglur um að fjarlægja skó, belti og tölvur úr töskum eru hins vegar að mestu á ábyrgð flugmálastjórna hvers lands eða flugvallanna sjálfra. Hér á landi eru það forsvarsmenn Keflavíkurflugvallar, Isavia, sem ákveða hvaða öryggisreglur gilda.

Samvæmt upplýsingum frá fyrirtækinu eru ástæðurnar fyrir þessu stranga eftirliti með skóm þær að bandarískar reglur geri ráð fyrir handahófskenndri leit í skóbúnaði farþega á leið vestur um haf. Og þar sem þessir farþegar fara í gegnum öryggishliðin á sama tíma og þeir sem eru á leið til meginlands Evrópu þá er eitt látið yfir alla ganga. Það verður hins vegar að teljast nokkuð öruggt að nákvæmlega sama staða komi upp á flugvöllunum í kringum okkur, þ.e.a.s. að farþegar á leið til bandarískra og evrópskra borga fari í gegnum flugstöðvarnar á sama tíma. Frændþjóðirnar telja það þó ekki nægt tilefni til að skanna skóbúnaðinn líkt og gert er hér á landi.

Hin forsendan sem Isavia gefur fyrir eftirlitinu er að reynslan sýni að þetta flýti fyrir afgreiðslu í öryggisleitinni þar sem málmleitartækin sendi síður frá sér viðvörun þegar fólk er skólaust. Þau rök eru athyglisverð í ljósi fréttar Túrista frá því fyrr í sumar um að meðalbiðtíminn í öryggisleitinni Keflavík er þrefalt lengri en á Kaupmannahafnarflugvelli.

Engar formlegar kvartanir hafa borist Isavia vegna þessa verklags segir í svari fyrirtækisins við fyrirspurn Túrista.

 

TENGDAR GREINAR: Allt að þrefalt lengri bið í Keflavík en á KastrupFlugvellir sem hampa snjallsímum
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Share |

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …