Samfélagsmiðlar

Ferðum fjölgar um 1 prósent með tilkomu Easy Jet

Fyrirtækið verður sjöunda umsvifamesta flugfélagið á Keflavíkurflugvelli í brottförum talið.

Það voru átta erlend flugfélög, ásamt Icelandair og Iceland Express, sem héldu uppi millilandaflugi héðan síðastliðið sumar. Útlit er fyrir að þau muni öll snúa tilbaka á næsta ári og fjöldi ferða verði svipaður og áður. Í gær bættist hið breska Easy jet við hópinn og ætlar félagið að fljúga hingað þrisvar sinnum í viku frá London í vor og sumar en ekki hefur verið tekin ákvörðun um vetrarflug félagsins.

Miðað við þennan fjölda ferða þá fjölgar brottförum farþegaþota frá Keflavíkurflugvelli um rúmlega eitt prósent, yfir sumarmánuðina, með tilkomu Easy jet samkvæmt útreikningum Túrista sem byggðir eru á upplýsingum um brottfarir á heimasíðu flugvallarins. Þegar aðeins er litið á flugleiðina Keflavík til London þá eykst framboðið um nærri 12 prósent þegar Easy jet hefur flug. Eða úr 26 ferðum í 29 verði ferðir Icelandair og Iceland Express jafn margar á næsta ári og þær voru síðastliðið sumar.

Umsvifamestu flugfélögin í Keflavík

Með þremur flugferðum í viku þá verður umfang starfsemi Easy Jet hér á landi jafn mikið og þýska flugfélagsins German Wings sem flýgur hingað þrisvar í viku. Þessi tvö félög deila því sjöunda sætinu yfir umsvifamestu flugfélögin á Keflavíkurflugvelli eins og sjá má í listanum hér að neðan:

Nr.FélagCa.fjöldi brottfara á viku
1.Icelandair185
2.Iceland Express70
3.Airberlin10
4-5.Delta og SAS5
6.Lufthansa4
7 – 8.Easy Jet og German Wings3
9. til 11.Air Greenland, Niki og Transavia2

 

 

 

 

 

 

Ódýrari fargjöld

Kynningarverð Easy Jet á flugsætum til Lundúna er töluvert lægra en það sem Iceland Express og Icelandair bjóða um þessar mundir. Því er útlit fyrir að með tilkomu félagsins verði ódýrara að fljúga til Bretlands á næsta ári. Þeir sem ætla að bóka hjá breska félaginu ættu þó að hafa í huga að flug þess frá London til Keflavíkur fer á loft um klukkan sjö á morgnana. Farþegar þurfa því að koma sér út á flugvöllinn í Luton um miðja nótt.

TILBOÐ: Hótel í Kaupmannahöfn: Tryggðu þér lægsta verðið og frían morgunmat
TENGDAR GREINAR: Íslandsflug Airberlin í föstum skorðumSýna vetrarflugi til Íslands ekki áhuga

Mynd: Túristi

Nýtt efni

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …

Það fóru 212 þúsund farþegar með erlend vegabréf í gegnum vopnaleitinni á Keflavíkurflugvelli í júní en þessi talning er notuð til að leggja mat á fjölda ferðamanna hér á landi. Í júní í fyrra var þessi hópur 20 þúsund farþegum fjölmennari og miðað við aukið flugframboð á milli ára þá mátti gera ráð fyrir viðbót …