Samfélagsmiðlar

Jólaferðirnar til Kanarí eru uppseldar

Það seldist hratt upp í ferðir til Kanaríeyja yfir jólin. Það er ekki útlit fyrir að fleiri sæti verði í boði því staðan á hótelum eyjaskeggja er álíka og hjá kollegum þeirra í Betlehem fyrir rúmum tvö þúsund árum síðan.

„Það seldist mun fyrr í jólaferðirnar en undanfarin ár. Mikið er um að stórar fjölskyldur ætli að eyða jólunum saman í sólinni og til að tryggja sér réttu gistinguna eru þessir hópar snemma á ferðinni,“ segir Margrét Helgadóttir, framkvæmdastjóri Úrvals-Útsýnar. Uppselt er í allar brottfarir ferðaskrifstofunnar til Kanaríeyja fyrir jólin og sama staða er uppi hjá Heimsferðum og Vita samkvæmt heimasíðum fyrirtækjanna.

Vara fólk við að fara á eigin vegum

Íslendingar eru ekki einir um að fjölmenna til spænsku eyjanna yfir hátíðirnar því ferðir þangað njóta einnig mikilla vinsælda meðal frændþjóðanna. Þar hafa sólarlandaferðir til Egyptalands vanalega selst vel á veturna en vegna ótryggs ástands þar í landi kýs fólk heldur að fara suður til Kanarí. Það hefur leitt til þess að ferðaskrifstofur hafa slegist um hótelherbergin á eyjunum og nú er svo komið að öll gistirými eru bókuð samkvæmt frétt Jótlandspóstsins. Talsmaður danskrar ferðaskrifstofu mælist því ekki til að fólk kaupi flugmiða suður á bóginn fyrr en það er búið að bóka gistingu.

TENGDAR GREINAR: Ætla að selja Íslendingum tíu þúsund ferðir
BÍLALEIGA: Auðvelt að finna ódýrari bílaleigubíl í Orlando

Mynd: Turismo Canarias

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …