Samfélagsmiðlar

Vægi íslenskra farþega minnkar

Utanlandsferðum Íslendinga hefur fjölgað hratt milli ára frá hruni en nú hefur hægt að þessari þróun. Hlutfall Íslendinga í Flugstöð Leifs Eiríkssonar dregst töluvert saman milli ára.

Það sem af er ári hafa rétt rúmlega 340 þúsund íslenskir farþegar ferðast frá Keflavíkurflugvelli. Fjölgaði þeim um eitt prósent frá sama tíma í fyrra samkvæmt talningu Ferðamálastofu. Þetta er töluvert minni vöxtur en árin á undan því ferðum Íslendinga til útlanda fjölgaði um 5 prósent í fyrra og 16 prósent á milli áranna 2011 og 2012.

Fimmtungi fleiri brottfarir

Það stefnir í að árið í ár verði á pari við það síðasta, þegar litið er til ferða Íslendinga, þrátt fyrir að framboð á flugi hafi aukist þónokkuð frá því í fyrra. Til dæmis buðu Icelandair, Wow Air og Easy Jet upp á samtals 110 fleiri ferðir héðan í síðasta mánuði en á sama tíma í fyrra samkvæmt talningu Túrista. Það jafngildir um fimmtungs aukningu.

Ferðum útlendinga frá Keflavíkurflugvelli heldur hins vegar áfram að fjölga hratt og vægi íslenskra farþega hefur minnkað um nærri fjögur prósent það sem af er ári. Á tímabilinu janúar til nóvember í fyrra voru Íslendingar 35,3 prósent þeirra sem flugu frá Keflavík en í ár er hlutfallið komið niður í 31,5 prósent. Í talningu Ferðamálastofu eru farþegar sem aðeins millilenda í Keflavík ekki taldir með.

GISTING: Bókaðu ódýrt hótel
NÝJAR GREINAR: Ferðaminningar Árna Þórarinssonar

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …