Samfélagsmiðlar

Delta flýgur hingað daglega í sumar

Forsvarsmenn bandaríska flugfélagsins Delta ætla að fjölga hingað frá New York næsta sumar. Ekki er vitað hvort Wow Air blandar sér í baráttuna um farþega á þessari flugleið.

Fjórða sumarið í röð er Ísland hluti að leiðakerfi Delta Airlines, eins stærsta flugfélags í heimi. Félagið hefur fjölgað ferðum sínum hingað síðustu ár og í sumar verður boðið upp á dagleg flug héðan til JFK flugvallar í nágrenni við New York.

Delta tók nýlega í notkun nýja flugstöð á JFK flugvelli sem er jafnframt ein sú stærsta í Bandaríkjunum og miðpunktur alþjóðlegrar flugþjónustu félagsins að því segir í tilkynningu.

25 ferðir í viku til New York

Icelandair flýgur til tveggja flugvalla í nágrenni við Manhattan allt árið um kring. Næsta sumar býður félagið upp á tvær ferðir á dag til JFK flugvallar og fjórar í viku til Newark. Þar með verða farnar 25 ferðir í viku frá Keflavík áleiðis til New York borgar yfir aðalferðamannatímann á næsta ári.

Þrátt fyrir ítrekaðar tilraunir hefur það ekki fengist staðfest hjá Wow Air hvort eitthvað verði úr áformum félagins að fljúga til New York. En haft var eftir Skúla Mogensen, forstjóra félagsins, í danska viðskiptablaðinu Børsen í sumar að félagið hyggðist fljúga til borgarinnar á næsta ári.

NÝJAR GREINAR: Verðsveiflur á bílaleigum
HÓTEL: Gerðu verðsamanburð á gistingu út um allan heim

 

Mynd: Delta Airlines

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …