Samfélagsmiðlar

Langt ferðalag framundan til Rússlands

Ef beinum flugsamgöngum milli Íslands og Rússlands verður ekki komið á fyrir næsta sumar þá bíður stuðningsmanna íslenska landsliðsins langt ferðalag, bæði til Rússlands og milli leikja.

Kul Sharif moskan í Kazan. Þar í borg leikur íslenska landsliðið þann 24. júní ef það lendir í H-riðli.

Leikir riðlakeppninnar á HM í Rússlandi fara fram á 12 leikvöngum í 11 borgum og líkt og á EM í Frakklandi þá halda liðin ekki til á einum stað heldur spila leikina sína þrjá á mismunandi stöðum. Gestgjafarnir sjálfir spila til að mynda í Moskvu, Sankti Pétursborg og í Samara en átján hundruð kílómetrar skilja að þær tvær síðarnefndu. Það kemur svo í ljós þann fyrsta desember í hvaða borgum íslenska liðið mun leika en þá verður dregið í riðla í Kreml í Moskvu. Þá geta þeir sem ætla að fylgja liðinu til Rússlands farið að leggja drög að ferðalaginu þangað en eins og sjá má á kortinu hér fyrir neðan þá eru borgirnar 11 á víð og dreif um Rússland og því oft mjög langt á milli leikstaða. Innanlandsflug getur því verið heppilegasti kosturinn þó lestarferðir séu oftar en ekki líka í boði, þær geta hins vegar hæglega tekið 10 til 20 klukkutíma.

Samkvæmt úttekt Mbl í dag þá eru átta mögulegar samsetningar á borgum fyrir leiki Íslands og einfaldasti kosturinn, fyrir þá sem vilja á alla leiki riðlakeppninnar, er líklega sá að Ísland lendi í B-riðli og leiki þá í Sankti Pétursborg, Moskvu og Kalínígrad dagana 15. til 25. júní. Milli tveggja fyrrnefndu borganna má fara með lest á fjórum tímum og innanlandsflugið með Aeroflot frá Moskvu til Kalínígrad er stutt og ódýrt. Frá síðarnefndu borginni má svo koma sér til Gdansk í Póllandi eða Vilnius í Litháen en frá þessum tveimur borgum er flogið beint til Íslands.

Ferðalagið verður hins vegar flóknara ef Ísland þarf að leika einn til tvo leiki í suðurhluta Rússlands en eins og staðan er í dag kostar flugið héðan til flestra rússnesku borgannar í júní rúmlega 100 þúsund krónur en um helmingi minna ef ferðinni er heitið til Sankti Pétursborgar eða Moskvu. Nota má töfluna hér fyrir neðan til að fá hugmynd um hvaða flug hentar best og hvað gistingin kostar í hverri borg fyrir sig.

Það stefnir þó í að það verði boðið upp á beint flug frá Íslandi til Rússlands næsta sumar, í það minnsta leiguflug á vegum flugfélaganna eða ferðaskrifstofa. En eins og sjá má þá gæti flugið til Rússlands líka tekið töluverðan tíma eða 5 til 6 klukkustundir í mörgum tilfellum.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …