Samfélagsmiðlar

Fjórðungslækkun á ódýrustu bílaleigubílunum við Keflavíkurflugvöll

Þrátt fyrir styrkingu krónunnar þá borga erlendir ferðamenn nokkru minna fyrir bílaleigubíl hér á landi næstu mánuði í samanburði við þarsíðasta vetur.

Það kostar minna að leigja bíl fyrir Íslandsreisu í vetur.

Sá sem leigir sér bíl við Keflavíkurflugvöll í vetur má gera ráð fyrir að borga að lágmarki um 20 þúsund krónur fyrir vikuleigu á bíl af minnstu gerð. Ódýrasti kosturinn var hins vegar 7 þúsund krónum dýrari á sama tíma fyrir 2 árum samkvæmt verðkönnunum Túrista. En í þeim eru borin saman ódýrustu tilboðin í vikuleigu á bílaleigunum við Keflavíkurflugvöll og meðalverðið er reiknað út frá þeim kjörum sem buðust næstu fjóra mánuði.

Þó verðlækkunin á ódýrustu bílunum nemi ríflega fjórðungi í íslenskum krónum talið þá er hún minni í evrum og dollurum eða 15-18%. Fyrir Breta er leigan óbreytt enda hefur breska pundið veikst umtalsvert síðustu misseri. Þrátt fyrir verðlækkunin hér á landi þá er leiguverðið ennþá nokkru hærra en á meginlandi Evrópu en hins vegar lægra en við flugvellina í Ósló og Stokkhólmi eins og sjá má á súluritinu hér fyrir neðan.

Styrking krónunnar er á sama hátt helsta ástæða þess að Íslendingar á leið út í heim í vetur borga töluvert minna fyrir bílaleigubíla en áður. Þannig hefur leiguverðið lækkað um þriðjung við flugvöllinn í Munchen en þangað fljúga margir Íslendingar þegar ferðinni er heitið í skíðaferð upp í Alpana. Og það er orðið margfalt ódýrara að borga fyrir bílaleigubíl í Bretlandi í íslenskum krónum.

Í verðkönnun Túrista var notast við leitarvél Rentalcars til að bera saman verð á bílaleigum við hvern flugvöll fyrir sig. Verðkannanir Túrista hafa sýnt að Rentalcars finnur oft lægra verð en er í boði annars staðar. Í öllum tilvikum var ótakmarkaður akstur, fríar afbókanir og kaskótrygging innifalin í verðinu.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …