Samfélagsmiðlar

6 flugfélög munu fljúga milli Íslands og London í vetur

Áfram harðnar samkeppnin um farþega á leið milli Íslands og höfuðborgar Bretlands. Ódýrasti farmiðinn kostar 2.758 krónur og hægt er fljúga báðar leiðir fyrir rúmlega 7 þúsund kr.

Til London verður flogið 82 sinnum í viku í vetur.

London er sú borg sem oftast er flogið til frá Keflavíkurflugvelli og er umferðin mest yfir háveturinn enda fjölmenna Bretar í Íslandsferðir á þeim árstíma. Til marks um það þá komu jafn margir Bretar hingað til lands í febrúar síðastliðnum  og samanlagt yfir sumarmánuðina þrjá í fyrra. Flugumferðin í febrúar í ár var líka meiri en nokkru sinni fyrr eða 81 ferð í viku. Skiptust þær á milli fimm flugfélaga og er þetta meiri samkeppni á nokkurri annarri flugleið til og frá Íslandi. Baráttan um farþegana mun harðna í vetur því þá munu sex flugfélög bjóða upp á reglulegar ferðir milli Íslands og London því nú bætist Wizz Air við hópinn. Í heildina fjölgar ferðunum þó bara um eina þar sem önnur flugfélög hafa gert breytingar á áætlun sinni frá síðasta vetri eins og sjá má á töflunni hér fyrir neðan.

Mjög ódýrir farmiðar

Allt þetta framboð virðist hafa áhrif á verðlagið því núna er hægt að finna flugmiða með easyJet og Norwegian frá Keflavíkurflugvelli til London á rétt um 2800 krónur og ódýrustu farmiðarnir hjá British Airways eru á rúmlega fjögur þúsund krónur. Framboð á þessum hræódýrum miðum takmarkast þó oft við sárafáar dagsetningar. Hjá Icelandair og WOW air má líka finna ódýra flugmiða og virðist úrvalið af þeim vera töluvert. Ódýrustu miðarnir hjá WOW air eru á 4.999 auk bókunargjalds en 7.835 krónur hjá Icelandair. Ódýrustu fargjöldin í dag eru álíka há og rútumiðarnir að Leifsstöð kosta.

Þegar úrvalið er orðið svona mikið þá er gott að nýta leitarvélar eins og Momondo til að bera saman fargjöld og sjá hvernig verðlagið þróast á milli daga. Stundum getur nefnilega borgað sig að fljúga með einu flugfélagi út og öðru heim. Hafa ber í huga að farangur fylgir ekki ódýrustu fargjöldunum hjá flugfélögunum sex.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …