Samfélagsmiðlar

Indlandsflug WOW air er komið í loftið

Frá og með deginum í dag geta farþegar í Flugstöð Leifs Eiríkssonar flogið þaðan beint til Nýju Delí.

Nizamuddin moskan í Nýju Delí.

Í hádeginu tók á loft frá Keflavíkurflugvelli breiðþota á vegum WOW air og setti stefnuna á Indira Gandhi flugvöllinn í Nýju-Delí. Flugið tekur um tíu klukkutíma og áætluð lending er klukkan rúmlega þrjú í nótt að staðartíma. Með þessu nýja áætlunarflugi WOW eru komnar á beinar flugsamgöngur milli Íslands og Indlands í fyrsta sinn.

Upphaflega var ætlunin að fljúga fimm ferðir í viku en þeim var fækkað tímabundið niður í þrjár í viku. Miðað við fargjöldin í næstu ferðir þá gengur salan vel því ódýrustu miðarnir í brottfarirnar fram að jólum kosta 165 þúsund ef flogið er frá Keflavíkurflugvelli. Heimferðin er hins vegar um fimm sinnum ódýrari. Frá og með áramótum eru farmiðaverðið lægra.

Þegar tilkynnt var um áform WOW air um Indlandsflug þá var haft eftir Skúla Mogensn, forstjóra og eiganda, að þetta væri tímamótaverkefni. „Aldrei fyrr hefur verið boðið upp á beint áætlunarflug til Indlands frá Íslandi og það er gaman að geta átt þátt í því að marka tímamót í íslenskri flugsögu. Indland er land mikillar sögu og menningar og það fá farþegar okkar að upplifa á frábærum verðum, í glænýjum flugvélum.“

Nýja Delí er önnur stærsta borg Indlands á eftir Mumbai en eins og áður hefur komið fram þá horfir forstjóri WOW til fleiri áfangastaða í Indlandi. Í vor sagði Björgólfur Jóhannsson, þáverandi forstjóra Icelandair Group, að stjórnendur félagsins horfi til Indlandsflugs á næsta ári. Ekki hefur heyrst meira af þeim áformum Icelandair.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …