Samfélagsmiðlar

Von á fréttum af WOW

Skúli Mogensen segist vera nálægt því að klára sölu á skuldabréfum upp á nærri 6 milljarða króna. Hann gerir ráð fyrir að bæta við öðrum indverskum áfangastað áður en félagið verður skráð á hlutabréfamarkað.

wow gma Friðrik Örn Hjaltested

Útlit er fyrir að hinu umtalaða skuldabréfaútboði WOW air ljúki sitt hvoru megin við helgina. Þetta hefur Bloomberg fréttaveitan eftir  Skúla Mogensen, forstjóra og eiganda WOW air, sem segist vera nálægt því að ná inn að lágmarki 50 milljónum dollara í útboðinu. Það jafngildir um 5,5 milljörðum íslenskra króna en upphaflega stóð til að safna 6 til 12 milljörðum króna samkvæmt því sem kom fram upphaflegri kynningu verðbréfafyrirtækisins Pareto á útboðinu.

Eins og Fréttablaðið greindi frá í gær þá hefur forsendum skuldabréfaútboðsins verið breytt og nú fá þeir fjárfestar sem taka þátt kauprétt að hlutafé þegar félagið verður skráð á hlutabréfamarkað innan tveggja ára. Skúli segir ástæðuna fyrir þessum breytingum skrifast á þau viðbrögð sem skuldabréfaútgáfan hefur fengið hjá fjárfestum. Hann segist einnig halda þeim möguleika opnum að selja fjárfesti eða öðru flugfélagi hlut í félaginu.

Í lok árs hefur WOW air áætlunarflug til Nýju Delí í Indlandi. Einn annar áfangastaður þar í landi mun bætast við leiðakerfi flugfélagins áður en að félagið verður skráð á markað samkvæmt því sem segir í frétt Bloomberg. Skúli segist frekar horfa til skráningar í kauphöll í Skandinavíu frekar en í London eða New York.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …