Samfélagsmiðlar

Ragnhildur að hætta hjá WOW

Aðstoðarforstjóri WOW air tekur við Reiknistofu bankanna.

wow ragnhildur

Ragnhildur Geirsdóttir mun hafa látið af störfum hjá WOW air.

Í sumarlok 2017 tók Ragnhildur Geirsdóttir, fyrrum forstjóri Flugleiða, við sem aðstoðarforstjóri hjá WOW air. Nú 16 mánuðum síðar hefur Ragnhildur sagt starfi sínu hjá flugfélaginu lausu samkvæmt heimildum Túrista. Hún hefur ráðið sig  sem forstjóra Reiknistofu bankanna. Skúli Mogensen, forstjóri og eigandi WOW air, mun taka við verkefnum Ragnhildar samkvæmt tilkynningu á heimasíðu WOW sem birtist skömmu eftir frétt Túrista.

Áður en Ragnhildur réði sig til WOW air hafði hún starfað sem forstjóri Promens og framkvæmdastjóri hjá Landsbankanum. Árið 2005 tók Ragnhildur við sem forstjóri Flugleiða sem þá var heiti móðurfyrirtækis flugfélagsins. Hjá Icelandair hafði hún starfað allar götur síðan árið 1999. Ragnhildur lét hins vegar af starfi forstjóra Flugleiða eftir aðeins 8 mánuði.

Þegar tilkynnt var um ráðningu Ragnhildar í ágúst 2017 kom fram að með tilkomu hennar gæti Skúli Mogensen, stofnandi og forstjóri WOW air, einbeitt sér að langtíma stefnumótun og uppbyggingu flugfélagsins erlendis sem og innleiðingu á tækninýjungum sem ekki höfðu áður þekkst í flugheiminum. Hann vildi þá ekki svara fyrirspurn Túrista um nánari útskýringar á þessum verkefnum. Sagði aðeins að um hernaðarleyndarmál væri um að ræða.

Uppfært: Eftir að frétt Túrista var birt tilkynning á heimasíðu WOW air þar sem fram kemur að Ragnhildur hafi verið ráðinn forstjóri Reiknistofu bankanna. Texti fréttarinnar hefur verið lagfærður í takt við það.

 

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …