Samfélagsmiðlar

Vildarpunktar í uppboði á Saga Class sætum

Farþegar Icelandair geta á næstunni nýtt punkta í staðinn fyrir peninga þegar þeir leggja inn tilboð í betri sætin í Boeing vélum félagsins.

icelandair radir

Farþegar á almennu farrými hjá Icelandair geta boðið í sætin fremst í vélinni.

Þeir sem eiga bókuð sæti á almennu farrými hjá Icelandair býðst reglulega að leggja inn boð í flutning yfir á Saga Premium, sem áður hét Saga Class.

Ef flugfélagið tekur tilboðinu greiðir farþeginn það verð sem hann bauð og fær úthlutað plássi á fremsta farrými. Til þessa hefur aðeins verið hægt að greiða fyrir þessa uppfærslu með peningum en nú stendur til að gera fólki kleift að nýta vildarpunkta í uppboðinu að sögn Ásdísar Ýr Pétursdóttur, upplýsingafulltrúa Icelandair.

Fjöldamörg flugfélög standa fyrir sambærilegum uppboðum á lausum sætum á fremstu farrýmunum og þá er oftast aðeins hægt að borga með peningum. Farþegar SAS hafa þó um skeið getað nýtt ferðapunkta í uppfærsluna og því fordæmi fylgir Icelandair innan skamms.

Ásdís segir uppboðin, sem kallast Class Up hjá Icelandair, vera gríðarlega mikið nýtt. Óseldu sætin á Saga Premium eru því greinilega eftirsótt en verðmunurinn á þeim og ódýrustu miðunum um borð getur verið margfaldur. Sem dæmi má nefna að farþegi sem bókar í dag miða með Icelandair til New York eftir viku og heim fjórum dögum síðar borgar tæpar 59 þúsund krónur fyrir Economy Light farseðil. Sæti í sömu flugvél á Saga Premium kostar hins vegar rúmlega 208 þúsund krónur. Ef ferðinni er heitið til Óslóar þessa sömu daga kostar ódýrasti miðinn rúmar 22 þúsund krónur en sæti í fremsta farrými er 99 þúsund krónum dýrara.

Verðbilið er því verulegt og  það getur því verið ódýrara að bjóða í þess háttar sæti eftir á. Það verður hins vegar að teljast ólíklegt að Icelandair taki tilboði upp á nokkur þúsund krónur eða fáa vildarpunkta fyrir uppfærsluna á Saga Premium. Á því farrými er maturinn innifalinn, bæði í flugferðinni sjálfir og fyrir brottför í betri stofu Icelandair, farangursheimildin er rýmri og biðin við innritunarborðin styttri.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …