Samfélagsmiðlar

Getum reiknað með ódýrum flugmiðum

Lágt flugmiðaverð er góð leið til markaðssetja nýtt flugfélag. Gera má ráð fyrir að fyrstu skref Play verð sérstaklega þung fari flugfélagið í loftið í ársbyrjun að mati norsks flugsérfræðings.

Rekstur Icelandair er ávallt  í mínus á fyrsta fjórðungi ársins og það sama má segja um flest önnur vestræn flugfélög. Ástæðan er einfaldlega sú að færri á ferðinni yfir háveturinn en aðra mánuði ársins. Engu að síður gera áform Play flugfélagsins ráð fyrir að jómfrúarferðin verði farin stuttu eftir áramót en miðasala en ennþá ekki hafin. Til samanburðar þá hófst miðasala WOW air í nóvember árið 2011 og jómfrúarferðin var svo farin þann 31. maí árið eftir.

„Play verður háð lausafé og því má búast við mjög lokkandi farmiðaverði svo félagið nái að selja eins marga miða og hægt er. Lágt verð virkar alltaf vel til að markaðssetja nýtt flugfélag eða vörumerki,“ segir Hans Jørgen Elnæs, norskur greinandi í flugrekstri hjá WINAIR AS, í samtali við Túrista. En Elnæs hefur ríflega þriggja áratuga reynslu af alþjóðlegum flugrekstri og leita skandinvískir fjölmiðlar reglulega eftir áliti hans þegar kemur að fluggeiranum.

„Ég tel að þetta verði þung byrjun hjá Play þar sem stefnt er að því að hefja áætlunarflug til Evrópu í janúar. Fyrstu þrír mánuðir ársins eru nefnilega þeir veikustu í evrópskum fluggeira þegar litið er til fjölda farþega. Að hluta til má vega það upp með því að bjóða einstaklega ódýra farmiða en þá verður félagið á sama tíma rekið með tapi frá fyrsta degi. Ég myndi telja það vænlegra og áhættuminna að hefja flugreksturinn þegar sumardagskráin hefst í byrjun apríl,“ segir Elnæs.

Líkt og kom fram á blaðamannafundi Play á þriðjudag þá er ætlunin að halda úti flugi til sex áfangastaða í Evrópu en hefja svo flug til Bandaríkjanna næsta vor eða sumar. Elnæs telur það hárrétt hjá Play að gera ráð fyrir að hefja flug til Bandaríkjanna í byrjun sumarvertíðar. „En þá þarf miðasala að hefjast sem allra fyrst eftir áramót.“ bendir jafnframt á að til þess að fá afgreiðslutíma á bandarískum flugvöllum þá skipti sköpum að flugrekandi að geta sýnt fram á rekstrarsögu og líka fjárhagsstöðu. „Flugvellirnir líta því til fjárhagsins og ef hann er ekki nógu sterkur þá fást ekki umbeðnir afgreiðslutímar.“

Fram kom í frétt Kjarnans í gær að forsvarsmenn Play leita nú við­bótar fjár­magns til þess að hefja rekstur flugfélagsins. Nú þegar hafa þeir tryggt sér 40 millj­ónir evra, jafn­virði um 5,5 millj­arða króna, frá breska fjár­fest­inga­sjóðnum Athene Capital, að því fram kemur í kynn­ing­ar­gögnum fyrir fjár­festa samkvæmt heimildum Kjarnans.
Nú getur þú tekið þátt í að styrkja og efla útgáfu Túrista

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …