Samfélagsmiðlar

Setja stefnuna á nýjar sólarstrendur næsta sumar

Hjá ferðaskrifstofunni Vita verður úr fleiri áfangastöðum að velja næsta sumar.

Benalmadena ströndin við Costa del Sol.

Costa del Sol á Spáni og Albufeira í Portúgal eru meðal þeirra staða sem bætast við sumarprógramm VITA á næsta ári. Auk þess ætlar ferðaskrifstofan að bjóða upp á reisur til Lanzarote sem er fjórða stærsta eyjan í Kanaríeyjaklasanum. Ferðirnar þangað verða viðbót við reglulegar brottfarir á vegum Vita til Tenerife og Gran Canaria eða Kanarí.

Gríska eyjan Krít verður einnig á boðstólum næsta sumar hjá VITA en þangað hefur ferðaskrifstofan flogið síðustu sumar í samfloti með öðrum ferðaskrifstofum. Að sögn Þráins Vigfússonar, framkvæmdastjóra VITA, þá verður eitthvað af sætum til Krítar seld til keppinautanna. Í boði verða tíu og ellefu daga ferðir.

Vita er hluti af Icelandair Group og flýgur farþegum sínum suður á bóginn með Icelandair. Það á líka við um ferðirnar til Alicante flugið þangað hefst í byrjun mars.

Í tilkynningu frá VITA segir að í ljósi aðstæðna verði viðskiptavinum boðið upp á sérstaka VITA-vernd sem tryggir mikinn sveigjanleika og öryggi. Farþegar greiða aðeins fjörutíu þúsund króna staðfestingargjald við bókun. Það fæst svo endurgreitt með allt að sex vikna fyrirvara og eins verður hægt að breyta ferðadegi þremur vikum fyrir brottför.

Ferðir sem felldar eru niður fást endurgreiddar innan 14 daga en eins getur fólk fengið inneignarbréf.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …