Samfélagsmiðlar

Ætla að taka yfir ferðir Vita til Alicante

Þrátt fyrir að Spánn sé næst vinsælasti áfangastaður ferðamanna í Evrópu þá hefur útgerð Icelandair þar í landi oft takmarkast við áætlunarflug til Madrídar yfir hásumarið. Barcelona hefur til að mynda ekki átt fastan sess í áætlun félagsins og flugferðirnar til Alicante og Kanaríeyja hafa verið á vegum íslenskra ferðaskrifstofa en ekki flugfélagsins sjálfs.

Á þessu varð breyting síðastliðið vor þegar Icelandair hóf áætlunarflug til Tenerife og nú herma heimildir Túrista að félagið ætli að taka yfir flug Vita til Alicante. Hingað til hafa þær ferðir verið á vegum ferðaskrifstofunnar en sú tilheyrir Icelandair samsteypunni. Vita býður viðskiptavinum sínum að kaupa hefðbundar pakkaferðir til Alicante en líka flugmiða í vikulegar brottfarir.

Til samanburðar fljúga þotur Icelandair fjórum sinnum í viku til Tenerife nú í vetur. Það er reyndar tvöfalt meira framboð en lagt var upp með í vor og spurning hvort umsvif Icelandair eigi eftir að aukast jafn hratt í Alicante þegar sú borg verður hluti af leiðakerfi flugfélagsins.

Með breytingunni stækkar Icelandair nefnilega markaðinn töluvert. Nú fá þær nærri þrjár milljónir manna, sem búa í Alicante og nágrenni, kost á því að fljúga með íslenska flugfélaginu til Norður-Ameríku með millilendingu á Keflavíkurflugvelli. Íbúar Bandaríkjanna og Kanada komast þá á sama hátt til Spánar með íslenska félaginu.

Túristi spurði Boga Nils Bogason, forstjóra Icelandair, út í ástæður þess að félagið valdi þá Tenerife í stað Alicante sem áfangastað í fyrra. Þá svaraði Bogi því að eðlilegt væri velta þeirri spurningu upp en ákvörðunin hafi verið talin skynsamleg á þeim tíma.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …