Samfélagsmiðlar

Alicante kom mun betur út hjá Play en Tenerife og Barcelona

Sjöundi hver farþega Play í sumar flug með félaginu til og frá Alicante.

Nú er fyrsta sumarvertíð Play að baki og voru þrír af sjö áfangastöðum félagsins spænskir. Í þotunum sem flugu til og frá Alicante voru að jafnaði tvö af hverjum þremur sætum bókuð.

Samtals flutti Play 3.779 farþega á þessari leið samkvæmt tölum frá spænskum flugmálayfirvöldum. Framboðið nam 5.760 sætum samkvæmt útreikningum Túrista.

Farþegarnir voru litlu færri í flugi Play til og frá Tenerife en aftur á móti var sætaframboðið til spænsku eyjunnar meira. Nýtingin var þar með rétt um helmingur eins og sjá má á grafinu hér fyrir neðan.

Barcelona kom verst út þegar horft er til fjölda farþega og sætaframboðs og sérstaklega í ágúst þegar rétt um 43 pósent sætanna voru skipuð farþegum.

Í heildina flutti Play 9.801 farþega til og frá Spáni í sumar sem þýðir að flugið til Alicante, Tenerife og Barcelona stóðu undir 36 prósentum af heildarfarþegafjölda sumarsins. Í flugferðum talið þá var vægi Spánarflugsins í starfsemi Play hins vegar 29 prósent í sumar. Sætanýtingin var líka betri í ferðunum til spænsku staðanna en hún var í heildina eins og sjá má á grafinu.

Upphaflega áætlun Play gerði ráð fyrir að sætanýtingin í ár yrði 72 prósent og farþegarnir 143 þúsund. Ekki er lengur horft til þess að umsvifin verði þetta mikil enda þyrfti félagið að fylla næstum hverja einu flugvél út árið til að ná þeirri tölu sem kynnt var í tengslum við hlutafjárútboð félagsins.

Uppgjör á Spánarflugi Icelandair samteypunnar verður birt hér á síðum Túrista síðar í dag.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …