Samfélagsmiðlar

Ekki grímuskylda í öllu Íslandsflugi

Frá og með deginum í dag þarf ekki lengur að nota grímu á Heathrow flugvelli. Það á einnig við á Keflavíkurflugvelli. Þar með ættu farþegar sem fljúga þessa leið með British Airways að geta ferðast eins og fyrir heimsfaraldur.

Farþegar í Leifsstöð þurfa ekki lengur að vera með grímur nema þegar þeir ganga um borð í flugvélarnar. Ennþá halda flugfélögin nefnilega í grímuskylduna. Á því eru þó að verða breytingar þessa dagana. Þannig ættu þeir sem fljúga héðan með British Airways að geta ferðast eins og fyrir heimsfaraldur.

Hjá breska félaginu var slakað á reglunum í dag og í svari til Túrista skrifar talsmaður þess að nú verði farþegar eingöngu beðnir um að nota grímur ef reglur í landinu sem flogið er til eða frá kveða á um slíkt. Talsmaður British Airwats bætir við að tilkynnt verði á skjám við brottfararhlið hvort farþegar þurfi að setja upp grímur í flugferðinni eða ekki. Hann mælist því til að farþegar hafi áfram grímur til taks.

Og það sama gildir um þá sem ætla að ferðast með Jet2 til og frá Keflavíkurflugvelli. Stjórnendur flugfélagsins hafa fellt niður grímuskyldu í flestum ferðum en upplýsingafulltrúi félagsins getu ekki svarað því skýrt hvort það eigi líka við í ferðunum til Íslands.

Hvorki Icelandair né Play hafa ekki boðað neinar breytingar á reglum um grímunotkun.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …