Samfélagsmiðlar

Hleðslukerfið kortlagt

Hleðslustöð við Miklubraut í Reykjavík

Ein helsta hindrunin í vegi rafbílavæðingar er skortur á hleðslustöðvum, ekki síst meðfram þjóðvegum landsins. Nú hefur umhverfis-, orku- og loftslagsráðuneytið falið Íslenskri Nýorku að kanna notkun hleðslustöðva og reynslu notenda.

Markmiðið er að afla upplýsinga um notkun hleðslustöðva fyrir rafbíla og leiða í ljós hvort og hvar þörf er á sé fyrir frekari uppbyggingu. Svipuð könnun var fyrst gerð í fyrra en síðan hefur rafbílum fjölgað mikið og hleðslustöðvar eru komnar víðar. Kanna á upplifun notenda af hleðslustöðvum og bera saman við útkomuna í fyrra. Niðurstöður verða kynntar í lok nóvember 2022. Verkefnið er unnið í samstarfi við Orkusetur. 

Ferðafólk sem íhugar að taka rafbíl á leigu þarf fyrst að átta sig á því hvort það sé öruggt um að geta fengið hleðslu fyrir bílinn á þeim slóðum sem ráðgert er að ferðast um. Augljóslega vantar töluvert upp á þessa innviði víða um land. Jafnvel þar sem umferðin er mest – á höfuðborgarsvæðinu – geta þeir ökumenn sem ekki hafa heimahleðslu lent í vandræðum vegna þess hversu fáar og strjálar hleðslustöðvar fyrir almenning eru. En umrædd könnun ætti að leiða í ljós hver reynsla ökumanna er og hvar helst þarf að bæta úr. 

Þess má geta að í sumar setti Visit Iceland upp kort sem sýnir allar hleðslustöðvar sem ferðamenn geta haft aðgang að í gegnum gististaði, veitingastaði, söfn og aðra áningastaði á leið sinni.

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …