Samfélagsmiðlar

Flugfélag stjórnarmanns Icelandair ennþá í biðstöðu

Í flota Connect Airlines verða flugvélar af sömu tegund og Icelandair notar í innanlandsflug.

Tveir af fimm stjórnarmönnum Icelandair hafa unnið að því síðustu tvö ár að koma á laggirnar bandarísku flugfélagi sem halda á úti áætlunarferðum frá Toronto í Kanada til nærliggjandi borga í Bandaríkjunum.

Flugfélagið kallast Connect Airlines og er í eigu John Thomas sem tók sæti í stjórn Icelandair snemma árs 2020. Þá var Nina Jonsson einnig valin í stjórnina en hún hefur aðstoðað Thomas við að koma Connect Airlines í loftið síðustu misseri.

Upphaflega var stefnt á jómfrúarferð haustið 2021 en ekkert varð af því og ennþá er ekki hægt að bóka miða á heimasíðu Connect Airlines. Fimm manna framkvæmdastjórn flugfélagsins er þó fyrir löngu fullskipuð en í henni sitja auk Thomas sjálfs fjórar karlar og eru þeir allir með áratugareynslu úr fluggeiranum.

Seinagangurinn skrifast því ólíklega á reynsluleysi stjórnenda en aftur á móti hefur skortur á flugmönnum sett strik í reikninginn. Connect Airlines auglýsti nefnilega eftir flugmönnum í sumar og lofaði þar kvartmilljón dollara í árstekjur. Sú upphæð jafngildir þremur milljónum íslenskra króna á mánuði.

„Að stofna nýtt flugfélag við þessar krefjandi markaðsaðstæður kallar á að við gerum hlutina öðruvísi en aðrir,” sagði Thomas, forstjóri Connect Airlines og stjórnarmaður Icelandair, í tilkynningu þegar atvinnutilboðið var kynnt. 

Þrátt fyrir há laun, bæði íslenskan og bandarískan mælikvarða, þá er Connect Airlines ekki ennþá komið í loftið og blaðafulltrúi félagsins hefur ekki svarað spurningum Túrista um hvenær miðasala hefst á endanum.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …