Ferðamálaráðherra hefur skipað Arnar Má Ólafsson í embætti ferðamálastjóra. Arnar Már hefur langa rekstrar- og stjórnunarreynslu í ferðaþjónustu, að því er fram kemur í tilkynningu á vef Stjórnarráðsins, starfaði síðast hjá Icelandia. Hann er með meistaragráðu á sviði alþjóðamarkaðs- og ferðamálafræða frá Université de Savoie. Áður starfaði Arnar Már hjá Íslenskum fjallaleiðsögumönnum og Iceland Rovers og sem leiðsögumaður um langt árabil. Hann var kennari í ferðamálafræði við Háskóla Íslands, lektor og brautarstjóri ferðamálafræði við Háskólann á Akureyri og forstöðumaður Ferðamálaseturs Íslands.
Skipunin er til fimm ára. Arnar Már mun tekur við embætti ferðamálastjóra 1. mars næstkomandi en fram að því er Elías Bj. Gíslason starfandi ferðamálastjóri.