Samfélagsmiðlar

Jákvæð áhrif erlends vinnuafls á flug og ferðamöguleika

Erlent vinnuafl ber uppi margvíslega atvinnustarfsemi á Íslandi eins og víðar. Kaupmannahafnarflugvöllur lét kanna hvaða áhrif útlendingar sem vinna í Danmörku hafa á starfsemina. Niðurstaðan er að erlent vinnuafl styrkir mjög flugstarfsemina. .

Í Danmörku búa um 220 þúsund útlendingar með fasta vinnu í landinu. Til viðbótar er svo auðvitað fjölmennur hópur fólks af erlendum uppruna í landinu, innflytjendur og afkomendur þeirra. Allt þetta fólk ræktar tengslin við heimahagana og það hefur áhrif á ferðaframboð í Danmörku.

Hér á Íslandi teljast rúmlega 16 prósent íbúa vera innflytjendur, eða rúm 61 þúsund manns, samkvæmt upplýsingum frá Hagstofunni. Einstaklingar með erlendan bakgrunn sem búsettir eru á Íslandi, aðrir en innflytjendur, eru rúmlega sjö prósent af íbúafjölda landsins. Um 34 prósent innflytjenda á Íslandi eru Pólverjar. Ekki þarf að hafa mörg orð um mikilvægt framlag þeirra til íslensks atvinnulífs, m.a. í ferðaþjónustu. Það ættu allir að þekkja. Búseta Pólverja hér hefur líka orðið til þess að opna nýja ferðamöguleika fyrir alla Íslendinga – til Póllands og annarra landa – eins og kunnugt er.

Við Peblinge Sø í Kaupmannahöfn – MYND: ÓJ

Athugun Kaupmannahafnarflugvallar sýnir svart á hvítu að búseta og starf útlendinga í Danmörku hefur umtalsverð áhrif á vöxt og viðgang flugstarfseminnar. Fimmtung fjölgunar farþega sem fóru um Kaupmannahafnarflugvöll á árunum 2010 til 2019 má rekja til erlendra ríkisborgara sem búsettir eru í Danmörku. Þeim hefur fjölgað umtalsvert á liðnum árum – og flugfélögin taka mið af því með meira framboði. Alveg eins og á Íslandi hefur Pólverjum fjölgað mjög mikið í Danmörku á síðustu árum og um leið framboð á ferðum til Póllands. 

„Útlent vinnandi fólk og fjölskyldur þeirra skýra umtalsverðan hluta af farþegafjölguninni síðasta áratuginn, fjölgað áfangastöðum og ferðum til og frá landinu. Þetta hefur styrkt tengsl Danmerkur við umheiminn,” segir Thomas Thessen, yfirhagfræðingur Kaupmannahafnarflugvallar, í frétt frá flugvellinum. 

Hér á Íslandi starfa alþjóðleg fyrirtæki við rannsóknir og lyfjaframleiðslu sem stuðla að meiri flugumferð til og frá landinu. Í frétt Kaupmannahafnarflugvallar er lyfjafyrirtækið Novo Nordisk nefnt sérstaklega. Það framleiðir helming alls insúlíns sem notað er í heiminum. Hjá Novo Nordisk starfa um 3.500 manns af 40 þjóðernum í Kalundborg á Sjálandi. Meginforsenda velgengni Novo Nordisk er aðgangurinn að Kaupmannahafnarflugvelli. 

Thomas Thessen, yfirhagfræðingur, segir að í framtíðinni verði enn meiri þörf fyrir útlendinga á dönskum vinnumarkaði og rannsóknir sýni að Kaupmannahafnarflugvöllur sé mikilvæg forsenda þess að það takist að laða að þetta fólk. Danir muni síðan njóta góðs af meira sætaframboði og fleiri flugáfangastöðum. 

Kaupmannahafnarflugvöllur í Kastrup
Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …