Samfélagsmiðlar

Veðurspá sýndi að fært var fyrir flug

Landgöngubrýr Leifsstöðvar er ekki hægt að nota ef vindhraði fer yfir 50 hnúta.

„Ákvörðun um hvort flogið er til Íslands frá Bandaríkjunum, aðfaranótt sunnudagsins, þurfti að liggja fyrir klukkan níu á laugadagskvöldið. Veðurspár tengdar flugi eru yfirleitt orðnar nokkuð nákvæmar fyrir næstu 24 klukkutíma og þegar ákvörðun er tekin, um að vélarnar fljúgi til Keflavíkurflugvallar frá Bandaríkjunum, þá gerir veðurspáin ráð fyrir að allt að 32 hnúta meðalvindhraða og 45 hnútum í vindhviðum í kringum lendingu. Það er engin vafi að þessi veðurspá sýndi að fært var fyrir flug,“ segir Haukur Reynisson, flugrekstrarstjóri Icelandair, spurður út í þá ákvörðun að fljúga þotum til landsins á sunnudagsmorgun.

Við komuna til landsins þurftu hátt í 900 farþegar að halda kyrru fyrir í flugvélunum í 8 til 10 klukkutíma þar sem ekki var hægt að koma landgöngum að flugvélunum. Ekki bara vegna óveðurs heldur líka hálku.

Túristi greindi frá því í gær að spár sem Veðurstofa birti á laugardagskvöld hefðu gert ráð fyrir að vindhraði færi yfir 50 hnúta á Keflavíkurflugvelli strax um klukkan sex á sunnudagsmorgun en þá var von á flugvélum Icelandair inn til lendingar. Við 50 hnúta vindhraða er ekki hægt að nota fjölda landganga við Leifsstöð en Haukur segir þetta hámark þó ekki vera mælikvarða á hvenær hægt sé að lenda farþegaþotum á Keflavíkurflugvelli.

„Umrædd veðurmörk tengjast notkun landgöngubrúa og koma frá framleiðendum þeirra en þau skilgreina ekki veðurhámörk fyrir flug til og frá Keflavík. Icelandair er með stigabíla sem gera okkur kleift að rýma vélarnar og koma fólki um borð í meiri vindi en 50 hnútum.

Það sem við vorum helst að glíma við á sunnudaginn var hærri vindstyrkur en spáð var og það hvessti fyrr. Auk þess olli mikil hálka á stæðum í kringum flugstöðina vandræðum. Isavia stóð sig vel með því að halda flug- og akstursbrautum í lagi og með góðum bremsuskilyrðum. Því miður gekk ekki jafn vel að með stæðin sjálf enda er eru eðlilega brautir og akstursleiðir í forgangi.“

Vegna ástandsins sem skapaðist á sunnudaginn hefur verið vangaveltur um afhverju Icelandair beindi þotum sínum ekki á varaflugvelli. Spurður um þetta atriði þá segir Haukur að í raun hafi veðrið og skilyrðin í Keflavík verið með þeim hætti að allt var innan öryggismarka og völlurinn því opinn fyrir lendingar.

„Því var ekki ástæða til að beina vélum á varavelli. Tilgangurinn með varavöllum er fyrst og fremst að vera til staða ef ekki er hægt að lenda á áfangastað sem átti ekki við í þessu tilviki,“ segir flugrekstrarstjóri Icelandair. 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …