Samfélagsmiðlar

„Horfum fram á mikið tekjutap og erfiðleika“

Verkfall um 300 starfsmanna á sjö hótelum Íslandshótela í Reykjavík hefst á hádegi í dag. Í dag lýkur atkvæðagreiðslu um boðun verkfalls 15. febrúar á sjö hótelum Berjaya-keðjunnar og á The Reykjavík Edition. Davíð Torfi Ólafsson hjá Íslandshótelum segir allt gert til að lágmarka áhrif verkfalls á gesti.

Fulltrúar Eflingar

Fulltrúar Eflingar ganga inn á hótel í Reykjavík

Það var fremur rólegt í afgreiðslusal Hótel Reykjavík Grand við Sigtún í Reykjavík í morgun þegar Túristi kom þar við. Gestir voru að tygja sig í skoðunarferðir dagsins og starfsfólkið að sinna sínum verkum. Margt af því lýkur störfum að sinni á hádegi og fer í verkfall í ótilgreindan tíma. Verkfallið sem hefst á hádegi nær til Fosshótel Reykjavík, Hótel Reykjavík Grand, Hótel Reykjavík Saga, Hótel Reykjavík Centrum, Fosshótel Baron, Fosshótel Lind og Fosshótel Rauðará. Um 300 manns fella niður störf.

Starfsstúlka á Hótel Reykjavík Grand – MYND: ÓJ

Davíð Torfi Ólafsson, forstjóri Íslandshótela, og hans starfsfólk hefur haft í nógu að snúast að undanförnu til að bregðast við yfirvofandi verkfalli:

„Við lokuðum strax fyrir allar nýjar bókanir á verkfallstímabilinu upp úr miðjum janúar þegar upp úr viðræðunum slitnaði. Til viðbótar þá höfum við þurft að flytja gesti yfir á önnur hótel og kalla út aðila sem mega vinna. Allt er gert til að lágmarka áhrif sem gestir okkar verða mögulega fyrir.“

Davíð Torfi Ólafsson
Davíð Torfi Ólafsson, forstjóri Íslandshótela

Hvenær raskar verkfallið starfseminni – hversu lengi getið þið selt gistingu án þrifa og annarra verka sem Eflingarfólk sinnir?

„Við seljum ekki neina gistingu á meðan verkfall varir – að því gefnu að það verði ekki í gangi til lengri tíma – en gerum það sem við getum eftir flutninga yfir á önnur hótel með því fólki sem má vinna. Það er auðvitað ljóst að þetta gengur ekki lengi svona því er mikilvægt að deilan leysist sem fyrst.“

Hótel Reykjavík Grand í morgun – MYND: ÓJ

Hver verða áhrifin til framtíðar af verkfalli

„Eins og gefur að skilja horfum við fram á mikið tekjutap og erfiðleika. Ofan á það bætist síðan sá skellur sem þetta er fyrir ímynd ferðaþjónustunnar hér á landi. Við höfum orðið vör við mikla óánægju erlendra ferðamanna sem getur margfaldast í umtali og haft neikvæð áhrif á ímynd lands og þjóðar og komið í bakið á okkur í framtíðinni.

Þetta er hins vegar veruleiki sem við verðum nú að takast á við og við munum gera allt sem við getum til að láta þetta ekki hafa áhrif á þá gesti okkar sem þegar eru hjá okkur.“

Reception á Grand
Gestamóttakan á Hótel Reykjavík Grand – MYND: ÓJ

Enginn veit hversu lengi verkfallið á Íslandshótelum varir. Nú bíður Eflingarfólks að taka afstöðu til miðlunartillögu Ríkissáttasemjara. Þá lýkur klukkan 18 í dag atkvæðagreiðslu um boðað verkfall á hótelum Berjaya-keðjunnar og á The Reykjavík Edition við Hörpu, sem hefjast á á hádegi 15. febrúar. Ef af því verkfalli verður nær það til um 400 starfsmanna.

Ef lausn verður ekki fundin í kjaradeilunni fyrir þann tíma er augljóst að hótelborgin Reykjavík verður nánast lömuð.

Skafað við inngang Hótel Reykjavík Grand – MYND: ÓJ

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …