Samfélagsmiðlar

Aðstaða fyrir innanlandsflug ekki á teikniborðinu

Stækkun Flugstöðvar Leifs Eiríkssonar eru í fullum gangi. Þær viðbætur aðeins að millilandaflugi.

Á alþjóðaflugvöllum í löndunum í kringum okkur er innanlandsflug ávallt hluti af starfseminni. Hér á landi snýst rekstur Keflavíkurflugvallar eingöngu um millilandaflug. Íbúar út á landi hafa því ekki kost á því að fljúga úr heimabyggð til eina flugvallarins með reglulegt alþjóðaflug.

Ferðamenn sem vilja fljúga út á land við komuna til Íslands verða á sama hátt að sækja farangurinn í Leifsstöð, koma sér til Reykjavíkur og innrita sig þar í flug á ný. Engar beinar sætaferðir eru í boði milli flugvallanna tveggja en með Flugrútunni má komast alla leið með viðkomu á BSÍ.

Kannanir Ferðamálastofu sýna að mjög lágt hlutfall ferðamanna flýgur innanlands eða rétt um tveir af hverjum 100 ferðamönnum. Gera má ráð fyrir að fyrrnefnt fyrirkomulag dragi úr mörgum.

Nú í haust ætlar Icelandair að reyna á ný að halda úti flugi frá Akureyri til Keflavíkurflugvallar en aðeins í sex vikur. Þessar ferðir eru ekki hefðbundið innanlandsflug enda eingöngu í boði fyrir þá semeru á leið í eða úr millilandaflugi. Íbúar í Reykjanesbæ geta því ekki keyrt í Leifsstöð og flogið þaðan til Akureyrar heldur verða þeir að nýta flugið frá Reykjavík.

Guðmundur Daði Rúnarsson
Guðmundur Daði Rúnarsson. Mynd: ÓJ

Spurður hvort uppbygging Keflavíkurflugvallar miðist við hefðbundið innanlandsflug að einhverju leyti og hvort hægt væri að hefja þess háttar starfsemi þá bendir Guðmundur Daði Rúnarsson, framkvæmdastjóri viðskipta og þróunar hjá Isavia, að ekki séu uppi áform um innanlandsflug á Keflavíkurflugvelli. „En ef ósk kæmi um það myndum við leggjast yfir það verkefni og fara yfir með hvaða hætti yrði hægt að gera það.“

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …