Samfélagsmiðlar

Farið verði í saumana á hækkun fargjalda

„Helsta þolraun evrópskra flugvalla felst í því að aðskilja fjárhagslegan veruleika vaxandi umferð. Þetta snýst ekki bara um að þrauka heldur tryggja festu til framtíðar," sagði Olivier Jankovic, forstjóri ACI Europe, á ársfundi samtakanna í Barselóna í gær.

Á Malpensa-flugvelli í Mílanó

Ársfundur Evrópudeildar Alþjóðaráðs flugvalla, ACI, er haldinn á óvissutímum í flugheiminum. Verð á fargjöldum hefur hækkað mikið vegna ferðavilja almennings og skorts á flugvélum til að anna eftirspurninni. Þetta hefur gerst þrátt fyrir samdrátt í efnahagslífi.

Framkvæmdastjóri ACI Europe, Olivier Jankovic, segir að stjórnvöld í Evrópulöndum ættu að rannsaka þá 30 prósenta hækkun sem orðið hefði á verði flugmiða – kanna hvort verið væri að misnota verðákvörðunarvald. Flugvellirnir sjálfir vilja nefnilega stærri skerf af söluandvirði flugmiða.

Olivier Jankovic, framkvæmdastjóri ACI-Europe – MYND: ACI-Europe

Jankovic bendir á að ekki dugi fyrir flugvellina að einblína á vöxt heldur þurfi að tryggja raunverulegan viðgang þeirra. Viðsnúningur varð í rekstri flugvalla á síðasta ári eftir hrunið sem fylgdi Covid-19. Enn vantar þó töluvert upp á að búið sé að endurheimta umferðartölurnar frá því fyrir faraldurinn – og áfram ríkir töluverð óvissa um afkomuna vegna hækkandi kostnaðar af innviðum og óvissu um fastar tekjur. Skuldir eru miklar og verðlag hækkar áfram. 

Á Keflavíkurflugvelli – MYND: ÓJ

Vöxturinn sem nú blasir við í flugumferð tryggir því ekki endilega sjálfbæran rekstur flugvallanna. „Það sem er í húfi fyrir flugvellina er að geta fjárfest í leiðum til að draga úr kolefnislosun, í þróun stafrænnar tækni og hæfni til að veita góða þjónustu,“ er haft eftir Jankovic í frétt frá ACI-Europe og bent á að eina leiðin væri að láta notendur borga. Stjórnvöld hvarvetna þyrftu að átta sig á því að kostnaður af nauðsynlegum fjárfestingum yrði að endurspeglast í flugvallargjöldum. 

Schiphol-flugvöllur við Amsterdam – MYND: ÓJ

Á sama tíma og flugvellirnir þurfa meiri tekjur af hverjum farþega þá hækkar verð flugmiða án þess að verið sé að auka framlög til þeirra. Olivier Jankovic bendir á það í viðtali við Financial Times að á sama tíma og hömlur væru settar á hækkun flugvallargjalda hefðu flugfélögin frítt spil til hækkana. Hann vill að farið verði í saumana á því hvað sé að baki þeim. Jankovic segir flugfélögin kveina og kvarta undan lendingargjöldum, sem þau velta síðan yfir á farþegana. Verðlagningarvaldið væri þeirra. 

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …