Samfélagsmiðlar

Taka í notkun rafdrifnar hópbifreiðar

Rafdrifin hópbifreið sem tengja mun BSÍ við hótelin í miðborg Reykjavíkur.

Kynnisferðir, sem starfa undir vörumerkinu Icelandia, vinna að undirbúningi að orkuskiptum í reksti sínum með innleiðingu rafdrifinna hópbifreiða í sinn flota. Á síðasta ári tók félagið í notkun rafdrifna hópbifreið sem sér um akstur viðskiptavina frá Keflavíkurflugvelli að nálægum bílaleigum.

Þar á meðal að bílaleigunni Enterprise-Rent-A-Car sem Kynnisferðir reka en þar geta viðskiptavinir nú leigt Tesla rafbíla því tíu slíkir voru teknir í notkun fyrr á árinu. Þeir eru sérstaklega ætlaðir í leigu til ferðamanna en til að auðvelda þeim hópi ferðalagið um landið á rafbílum eru í boði sérstakir “Self-drive” pakkar þar sem viðskiptavinir fá tilbúna dagskrá fyrir ferðalagið sitt og þar kemur fram hvað þau geti gert á hverjum degi og hvar hægt sé að hlaða bílinn í ferðalaginu.

Rafrúta sem nýtt er til að keyra milli Leifsstöðvar og bílaleigusvæðis. Mynd: Icelandia

Kynnisferðir eiga einnig fyrirtækið Garðaklett ehf. sem sérhæfir sig í rekstri dráttarbíla. Í síðasta mánuði fékk félagið afhentan einn af fyrstu rafdrifnu dráttarbílunum sem komu til landsins og er bíllinn þegar farinn að draga gáma fyrir Eimskip á höfuðborgarsvæðinu. Innflytjendur geta þar með lækkað kolefnissport sitt með þessari nýjung. 

Loks hafa Kynnisferðir fest kaup á tveimur rafdrifnum hópbifreiðum sem munu sinna akstri frá BSÍ og til hótela í miðborginni. Samhliða þessu verður sett upp hraðhleðslustöð á BSÍ fyrir vagnana. Ef bílarnir reynast vel er stefnt að fjölgun þeirra að því segir í tilkynningu. En markmið Kynnisferða er að yfir 80 prósent af þeim bílum sem sinna þessari keyrslu verði orðnir rafdrifnir fyrir lok næsta árs.

„Við höfum séð mjög hraða þróun á undanförnum árum í rafdrifnum fólksbílum. Með nýrri tækni í rafhlöðum sjáum við nú einnig hraða þróun í stærri bílum. Drægni stærri bíla fara bráðlega að nálgast það sem við sjáum í fólksbílum og því er þetta loksins að verða raunverulegu kostur, segir Björn Ragnarsson, forstjóri Kynnisferða, í tilkynningu.

Björn bætir því við að innviðir hér á landi eigi enn mjög langt í land og litlir hvatar hafi verið í boði frá stjórnvöldum fyrir þá sem fjárfesta í rafknúnum ökutækjum þó eitthvað sé að rofa til í þeim málum að hans mati.

„Þessir bílar eru rúmlega tvöfalt dýrari en sambærilegir dísilbílar. Rafmagnstæknin á einnig eftir að sjást í öðrum tækjum eins og fjórhjólum og vélsleðum. Við fylgjumst náið með þessari þróun og ætlum við okkur að vera í fararbroddi í orkuskiptum hvort sem kemur að bílum eða ökutækjum í afþreyingu.“

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …